តំបន់ប្រតិបត្តិការសឹករងខេត្តប៉ៃលិន បានទទួលអំណោយដ៏ថ្លៃថ្លារបស់ សម្តេចធិបតី ហ៊ុន ម៉ាណែត និងលោកជំទាវបណ្ឌិត
ភ្នំពេញ៖ នៅថ្ងៃទី១៥ ខែកក្កដា ឆ្នាំ២០២៤ ពិធី សំណេះសំណាល សួរសុខទុក្ខ និង ប្រគល់អំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អង្ករចំនួន៥តោន ក្រោមអធិបតីភាព ឯកឧត្តម នាយឧត្តមសេនីយ៍ គីម ប៊ុនថាន រដ្ឋមន្ត្រីប្រតិភូអម នាយករដ្ឋមន្ត្រី ជួន អង្គភាពតំបន់ប្រតិបត្តិការសឹករងខេត្តប៉ៃលិន យោធភូមិភាគទី៥ ដេីម្បី ផ្តល់ ជូន អតីតយុទ្ធជន គ្រួសារយោធិនជួបការលំបាក និង ប្រជាពលរដ្ឋក្នុងមូលដ្ឋានខ្វះខាត ។
ក្នុងឱកាសនោះដែរ ឧត្តមសេនីយ៍ត្រី កែម អនុជ មេបញ្ជាការ បានដឹកនាំ នាយទាហាន ទទួលបដិសណ្ឌារកិច្ច និង អានរបាយការណ៍ ស្វាគមន៍ជូន ឯកឧត្តម រដ្ឋមន្ត្រី អធិបតី នូវ ការអនុវត្តតាមផែនការ របស់ថ្នាក់ដឹកនាំគ្រប់លំដាប់ថ្នាក់ ការងារយោធាសន្តិសុខប្រចាំឆ្នាំ ការងារកសាងអង្គភាពរឹងមាំលើគ្រប់វិស័យ ការងារប្រឡងប្រណាំង ការងារគ្រប់គ្រងកម្លាំង សម្ភារ រថយន្ត ត្រៀមចុះជួយប្រជាពលរដ្ឋ ដោះស្រាយយថាហេតុ ក្នុងភូមិសាស្រ្តដែលអង្កភាពឈរជើងទទួលខុសត្រូវ ក្នុងខេត្តប៉ៃលិន។
មានប្រសាសន៍សំណេះ សំណាលសួរសុខទុក្ខ ឯកឧត្តម រដ្ឋមន្រ្តី អមនាយករដ្ឋមន្រ្តីបានមានប្រសាសន៍ថា ប៉ៃលិន ជាតំបន់វាយប្រយុទ្ធ និងសមរភូមិក្តៅក្រោយមក ក្រោមការដឹកនាំ ប្រកបដោយគតិបណ្ឌិត សម្តេចតេជោ ហ៊ុន នាយករដ្ឋមន្រ្តី នៃព្រះរាជាណាចក្រកម្ពុជាបានលះបង់សាច់ស្រស់ ឈាមស្រស់ និង អាយុជីវត ដើម្បីប្តូរយកសន្តិភាព ដើម្បីជាប្រយោជ៏ ដល់ប្រជាជនទូទាំងប្រទេស និង ការអភិវឌ្ឍន៍ ប្រទេសលើគ្រប់វិស័យ។
ម៉្យាងទៀត ត្រូវប្រុងប្រយ័ត្នខ្ពស់ ចំពោះការទុកដាក់ អាវុធគ្រាប ត្រូវ ទុកដាក់តាមបទដ្ឋានបចេ្ចកទេស និង ការពារយ៉ាងម៉ឹងមាត់ កុំឱ្យមានឧបទ្ធវហេតុកើតឡើង នៅក្នុងអង្គភាព និង ភូមិសាស្រ្តដែល អង្គភាពទទួលខុសត្រូវ។នៅពេលខាងមុខ នាថ្ងៃទី៥ ខែសីហា ឆ្នាំ២០២៤ រាជរដ្ឋាភិបាល បើកការដ្ឋានជីកព្រែក ហ្វូនតេជជោ ដែលជាផលប្រយោជន៍ ដ៍មហាសាលរបស់កម្ពុជា ជាអាទិ៍ការលើកម្ពស់វិស័យ កសិកម្ម, ដឹកជញ្ជូន ប្រទាក់ក្រឡារវាងផ្លូវទឹក និង ផ្លូវគោកការធ្វើទំនើបបកម្មប្រព័ន្ធធារាសាស្រ្ត បម្រើឱ្យវិស័យ កសិកម្មវារីវប្បកម្ម ទេសចរណ៍ ព្រមទាំងរំដោះទឹកក្នុងរដូវវស្សា ក្រោមការដឹកនាំប្រកបដោយភាពស្វាហាប់ ម៉ឺងម៉ាត់ និងទស្សនវិស័យវែឆ្ងាយរបស់សម្តេចមហាបវធិបតី ហ៊ុន ម៉ាណែតនាយករដ្ឋមន្រី នៃព្រះរាជាណាចក្រកម្ពុជា។
ឯកឧត្តម រដ្ឋមន្រ្តី មានប្រសាសន៏ថា ប្រព័ន្ធឌីជីថលកំពង់តែមានការ អភិវឌ្ឍន៍ គួរឱ្យកត់សម្គាល់ដែលបំរើឱ្យ ការអភិវឌ្ឍន៍លើគ្រប់វិស័យ ក្នុងប្រទេសកម្ពុជា ពិសេស លើវិស័យ ការពារជាតិ។ ម៉្យាងវិញទៀត កងទ័ពត្រូវ គោរពច្បាប់ បទវិន័យទូទៅ នៃកងយោពលខេមរភូមិន្ទ បទវិន័យអង្គភាព និង ត្រូវជៀសឱ្យផុត មិនត្រូវរក្សាទុក ប្រើប្រាស់ និង ជូនដូរគ្រឿងញៀនជាដាច់ខាង និង មិនត្រូវពាក់ព័ន្ធជាដាច់ខាត នូវការកាប់ទន្ទ្រានព្រៃ យកដី ឈើ លក់ដូរ លើធនធានធម្មជាតិ ក្នុងភូមិសាស្រ្ត ដែលអង្គភាព ឈើជើង និង ក្រៅអង្គភាពឈរជើងឡើយ។
នៅទីបញ្ជាប់ ឯកឧត្តម រដ្ឋមន្រ្តី អមនាយករដ្ឋមន្រ្តី ប្រគល់អំណោយ ដ៏ថ្លៃថ្លារ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និង លោក ជំទាវបណ្ឌិត ពេជ ចន្ទមុន្នី ដល់អង្គភាព តំបន់ប្រតិបត្តិការសឹករងប៉ៃលិន យោធភូមិភាគទី៥។
ក្នុងឱកាសនោះដែរ ឧត្តមសេនីយ៍ត្រី កែម អនុជ មេបញ្ជាការ ថ្នាក់ដឹកនាំ នាយទាហាន នាយទាហានរង និងពលទាហាន ទូទាំង អង្គភាព តំបន់ប្រតិបត្តិការសឹករងប៉ៃលិន សូមគោរព ថ្លែង អំណរគុណ យ៉ាង ជ្រាលជ្រៅ និង សូមគោរពជូនពរជ័យ បវរសួរស្ដី សេរីមង្គល វិបុលសុខ មហាប្រសើរគ្រប់ប្រការជូនចំពោះសម្តេច មហាបវរធិបតី ហ៊ុន ម៉ាណែត នាយករដ្ឋមន្រ្តី ព្រះរាជាណាចក្រកម្ពុជា និងលោកជំទាវ បណ្ឌិត ពេជ ចន្ទមុន្នី ព្រមទាំងបុត្រា បុត្រី សូមមានសុខភាពល្អ ដើម្បីជាម្លប់ដឹកនាំ ដល់ថ្នាក់ដឹកនាំគ្រប់លំដាប់ថ្នាក់ ដល់កងកម្លាំងគ្រប់ប្រភេទ មន្ត្រីរាជការ និង ដល់ប្រពលរដ្ឋ ទូទាំងប្រទេស បន្តដឹកនាំ នាវាកម្ពុជា ក្នុងកោះសន្តិភាព ឈានឆ្ពោះទៅរក ការអភិវឌ្ឍន៍លើគ្រប់វិស័យល្បីរន្ទឺលើឆាកអន្តរជាតិ និង ពិភពលោក៕
