ពលរដ្ឋជាង៥ពាន់នាក់ នៅស្រុកព្រៃឈរ ទទួលបានការពិនិត្យ ព្យាបាល និងចែកឱសថដោយឥតគិតថ្លៃ ពីក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី

ភ្នំពេញ៖ នៅព្រឹកថ្ងៃអាទិត្យ ទី២១ ខែកក្កដា ឆ្នាំ២០២៤ ឯកឧត្តម ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញចូលរួមជាគណៈអធិបតីក្នុងបេសកម្មមនុស្សធម៌ដ៏ថ្លៃថ្លារបស់ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ក្នុងការចុះពិនិត្យ ព្យាបាល និងចែកឱសថដោយឥតគិតថ្លៃ ជូនអ្នកជំងឺទូទៅប្រមាណជាង ៥.០០០នាក់ រស់នៅក្នុងស្រុកព្រៃឈរ ដោយមិនប្រកាន់បក្សពួក ពូជសាសន៍ សាសនា ឬនិន្នាការនយោបាយអ្វីឡើយ។ ពិធីប្រព្រឹត្តទៅនៅបរិវេណ វិទ្យាល័យហ៊ុន សែន ព្រៃទទឹង ស្ថិតក្រោមអធិបតីភាពលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានក្រុមការងារចុះមូលដ្ឋានស្រុកព្រៃឈរ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយក រដ្ឋមន្ត្រីក្រសួងមុខងារសាធារណៈ និងជាប្រធានមូលនិធិក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី។

ក្នុងឱកាសនោះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានថ្លែងថា ការបន្តបេសកកម្មដ៏ឧត្តុង្គឧត្តមដើម្បីសុខភាពប្រជាជន នាថ្ងៃនេះ គឺផ្តើមចេញពីកត្តាប្រទេសជាតិ ទទួលបានសុខសន្តិភាពពេញលេញ ក្រោមការដឹកនាំដ៏ឈ្លាសវៃ ប្រកបដោយកិត្តិបណ្ឌិត របស់សម្តេចតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា នៃព្រះរាជាណាចក្រកម្ពុជា បន្តមកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រហូតធ្វើឲ្យប្រទេសជាតិ រក្សាបាននូវសុខសន្តិភាពនិងការអភិវឌ្ឍលើគ្រប់វិស័យ។ ដូច្នេះយើងជាពលរដ្ឋខែ្មរគ្រប់គ្នាត្រូវចូលរួមថែរក្សា ការពារសន្តិភាព ដែលបានមកដោយកម្រឱ្យបានគង់វង្សយូរអង្វែង ៕