ឯកឧត្តម ឈាង វុន ដឹកនាំកិច្ចប្រជុំរវាងអនុគណៈកម្មការហិរញ្ញវត្ថុ ផ្គត់ផ្គង់ ភស្តុភារ ជាមួយអនុគណៈកម្មការខ្លឹមសារ និងឯកសារ ដើម្បីពិភាក្សាលំអិតពីតម្រូវការថវិកាក្នុងកិច្ចប្រជុំ(IPTP)

ភ្នំពេញ៖ នាព្រឹកថ្ងៃទី២២ ខែកក្កដា ឆ្នាំ២០២៤ ឯកឧត្តម ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា និងជាអនុប្រធានគណៈកម្មការហិរញ្ញវត្ថុ ផ្គត់ផ្គង់ និងភស្តុភារ បានអញ្ជើញដឹកនាំកិច្ចប្រជុំរវាងអនុគណៈកម្មការហិរញ្ញវត្ថុ ផ្គត់ផ្គង់ ភស្តុភារ ជាមួយអនុគណៈកម្មការខ្លឹមសារ និងឯកសារ ដើម្បីពិភាក្សាលំអិតពីតម្រូវការថវិកា សម្រាប់គាំទ្រដល់ការរៀបចំសម័យប្រជុំពេញអង្គលើកទី១១ នៃសភាអន្តរជាតិ ដើម្បីភាពអត់ឱន និងសន្តិភាព(IPTP) នៅវិមានរដ្ឋសភា។

ក្នុងកិច្ចប្រជុំនេះ មានការអញ្ជើញចូលរួមពី ឯកឧត្តម អនុប្រធាន និងឯកឧត្តម លោកជំទាវ ជាសមាជិក សមាជិកា នៃអនុគណៈកម្មការទាំងពីរ នៃរដ្ឋសភា៕