លោកជំទាវ និន សាផុន បន្តដឹកនាំកិច្ចប្រជុំអនុគណៈកម្មការឡូជីស្ទីក ពិធីការ និងបដិសណ្ឋារកិច្ច សម័យប្រជុំពេញអង្គលើកទី១១ នៃសភាអន្តរជាតិ ដើម្បីភាពអត់ឱននិងសន្តិភាព

ភ្នំពេញ៖ នៅវិមានរដ្ឋសភា នាព្រឹកថ្ងៃទី២៤ ខែកក្កដា ឆ្នាំ២០២៤ លោកជំទាវ និន សាផុន ប្រធានគណៈកម្មការទី៩ នៃរដ្ឋសភា និងជាប្រធានអនុគណៈកម្មការឡូជីស្ទីក ពិធីការ និងបដិសណ្ឋារកិច្ច នៃសម័យប្រជុំពេញអង្គលើកទី១១ នៃសភាអន្តរជាតិ ដើម្បីភាពអត់ឱន និងសន្តិភាព International Parliamentary Plenary Session for Tolerance and Peace 11th (IPTP) បានអញ្ជើញដឹកនាំអនុប្រធាន អនុប្រធានប្រចាំការ សមាជិក សមាជិកា និងជំនួយការ បន្តកិច្ចប្រជុំពិនិត្យវឌ្ឍនភាពការងារត្រៀមរៀបចំលើការងារពាក់ព័ន្ធ ដូចជាការងារដឹកជញ្ជូន ពិធីការ បដិសណ្ឋារកិច្ច និងសណ្ឋាគារ ដែលសភាកម្ពុជានឹងត្រូវធ្វើជាម្ចាស់ផ្ទះ នៅចុងខែវិច្ឆិកា ឆ្នាំ២០២៤ ខាងមុខនេះ។