មេបញ្ជាការតំបន់ប្រតិបត្តិការសឹករងកោះកុង ដឹកនាំកម្លាំងចុះល្បាតតំបន់ធនធានធម្មជាតិ នៅក្នុងភូមិសាស្ត្រដែលទទួលខុសត្រូវ
ភ្នំពេញ៖ លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង នាថ្ងៃទី២៤ ខែកក្កដា ឆ្នាំ២០២៤ បានដឹកកម្លាំងជំនាញចុះពិនិត្យតំបន់ការពារនិងអភិរក្សធនធានធម្មជាតិនៅតំបន់ដែលទទួលខុសត្រូវ ដោយអនុវត្តតាមអនុសាសន៍ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាថ្ងៃទី១៩ ខែមីនា ឆ្នាំ២០២៤ និងយោងតាមបទជារបស់អគ្គបញ្ជាការចុះថ្ងៃទី ២ ខែមេសា ឆ្នាំ ២០២៤។
អនុវត្តតាមបទបញ្ជារបស់ឯកឧត្តមមេបញ្ជាការកងទ័ពជើងគោក និងអនុវត្តតាមបទបញ្ជាឯកឧត្តមមេបញ្ជាការយោធភូមិភាគទី ៣ លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុងបានដឹកនាំកម្លាំងចុះពិនិត្យតំបន់ការពារធនធានធម្មជាតិ ស្ថិតនៅក្នុងស្រុកថ្មបាំង ក្នុងភូមិសាស្ត្រផ្នែកសឹករងថ្មបាំង។
ក្នុងឱកាសនោះដែរលោកមេបញ្ជាការបាននាំយកគ្រឿងឧបភោគបរិភោគមួយចំនួនដែលជាអំណោយដ៏ថ្លៃថ្លារបស់សម្តេច មហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ជូនអង្គភាពផ្នែកសឹករងថ្មបាំង សំរាប់ប្រើប្រាស់ក្នុងពេលចុះប្រតិបត្តិការ៕
