សមាគម អតីតយុទ្ធជន កម្ពុជា ខេត្តកំពង់ធំ ចុះជួបសំណេះសំណាល សាកសួរសុខទុក្ខ ក្រុមគ្រួសារអតីតយុទ្ធជន ដែលរងផលប៉ះពាល់ដោយជំនន់ទឹកភ្លៀង នៅ ឃុំ ក្រយា ស្រុក សន្ទុក

ភ្នំពេញ៖ នៅរសៀលថ្ងៃទី២៩ ខែកក្កដា ឆ្នាំ២០២៤ ឧត្តមសេនីយ៍ទោ សោម ស៊ុន មេបញ្ជាការ តំបន់ ប្រតិបត្តិការ សឹករង ប្រធាន សមាគម អតីតយុទ្ធជន កម្ពុជា ខេត្តកំពង់ធំ បានដឹកនាំសហការី ទៅសំណេះសំណាល សាកសួរសុខទុក្ខ និងពិនិត្យស្ថានភាពជំនន់ទឹកភ្លៀង នៅលេីដីសម្បទានសង្គមកិច្ច ផ្ដល់ ជូន អតីត យុទ្ធ ជន ស្ថិតនៅភូមិដងក្តា ឃុំក្រយា ស្រុកសន្ទុក ខេត្តកំពង់ធំ។

លោក អនុសេនីយ៍ឯក ឈឹម គឹមសឿន អតីតយុទ្ធជន ពិការ ដែលកំពុងរស់លើដីសម្បទានសង្គមកិច្ច អំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី ប្រធាន សមាគម អតីតយុទ្ធជន កម្ពុជាបានបញ្ជាក់ថា ក្នុងរយៈពេលមួយសប្តាហ៍ កន្លងទៅ នេះ ភ្លៀងបានបន្តធ្លាក់ជាប់ៗគ្នា ធ្វើឲ្យទឹកហូរមិនទាន់នៅតាមលូរំដោះទឹកនីមួយៗ បណ្តាល ឲ្យលិចផ្ទះបងប្អូនអតីតយុទ្ទជនចំនួន៦ខ្នងផ្ទះ ប៉ះពាល់ដល់ជីភាពរស់នៅរបស់បងប្អូនអតី តយុទ្ធជន ចំនួន៧គ្រួសារ។ ហើយនៅឆ្នាំនេះដោយមានការរៀបចំប្រព័ន្ធលូរំដោះទឹកបានល្អប្រសេីរ បណ្តាលឲ្យទឹកហូរបានលឿន ធ្វើឲ្យការលិចផ្ទះបងប្អូនមួយចំនួនមានរយៈពេលខ្លី តែបានធ្វើឲ្យខូចខាត និងផលប៉ះពាល់ដំណាំរបស់បងប្អូនមួយចំនួន។

ឧត្តមសេនីយ៍ទោ សោម ស៊ុន ប្រធាន សមាគម អតីតយុទ្ធជន កម្ពុជា ខេត្តកំពង់ធំ បានថ្លែងនូវការសោកស្តាយចំពោះជំនន់ទឹកភ្លៀង បណ្តាលឱ្យប៉ះពាល់ផ្ទះសម្បែង និងផលដំណាំរបស់បងប្អូនអតីតយុទ្ធជនយេីងចំនួន ៧ គ្រួសារ ។ ជាមួយនោះដែរក៏បានថ្លែងអំណរគុណចំពោះមន្ទីរធនធានទឹក និង ឧតុនិយម ខេត្ត រួមជាមួយ នឹងមន្ទីរអភិវឌ្ឍជនបទខេត្តកំពង់ធំ ដែលបានខិតខំប្រឹងប្រែងជួយសម្របសម្រួលដាក់ប្រព័ន្ធលូថ្មីនៅតាមបណ្តាគោលដៅមួយចំនួន ដែលធ្វើឲ្យ ទឹកហូរបានលឿន មិនប៉ះពាល់ការលិចទឹកយូរ ដូចបណ្តាឆ្នាំមុនៗ។

នៅក្នុងឱកាសនេះដែរ ឧត្តមសេនីយ៍ទោ សោម ស៊ុន ក៏បាននាំយកនូវស្បៀងអាហារគ្រឿងឧបភោគបរិភោគ និងថវិកាមួយចំនួន ដែល ជាអំណោយយ ដ៍ថ្លៃ ថ្លៃថ្លា របស់ សម្តេច មហា បវរ ធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រ កម្ពុជា និង លោកជំទាវ បណ្ឌិត ពេជ ចន្ទមុន្នី ឧបត្ថម្ភជូន បងប្អូន ដែលរងផងប៉ះពាល់ដោយជំនន់ទឹកភ្លៀងនៅពេលនេះ និងបានណែនាំដល់បងប្អូនអតីតយុទ្ធជនទាំងអស់ ត្រូវថែទាំសុខភាព ក្នុងពេលដែលមានជំនន់ទឹកភ្លៀង ដោយ ត្រូវ មានអនាម័យល្អ ហូបស្អាត រស់នៅស្អាត ជាមួយនោះដែរ ត្រូវប្រុងប្រយ័ត្នកូនចៅតូចៗ មិនត្រូវបណ្តោយឲ្យលេងទឹក នាំឲ្យគ្រោះថ្នាក់ដល់អាយុជីវិត ដោយប្រការណាមួយឡេីយ។

អតីតយុទ្ធជន ដែលរងផលប៉ះពាល់ដោយជំនន់ទឹកភ្លៀង បានគោរពថ្លែងអំណរគុណចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ព្រមទាំងឧត្តមសេនីយ៍ទោ សោម ស៊ុន ប្រធាន សមាគម អតីតយុទ្ធជន កម្ពុជា ខេត្តកំពង់ធំ ដែលជានិច្ចកាលតែងតែគិតគូរយកចិត្តទុកដាក់ដល់ជីវភាពរស់នៅរបស់បងប្អូនអតីតយុទ្ធជន និងសូមគោរពជូនពរ សម្តេច លោកជំទាវ ឯកឧត្តម លោក លោកស្រី ទាំងអស់ សូមទទួល បាននូវពុទ្ធពរទាំង៤ប្រការ កុំបីឃ្លៀងឃ្លាតឡើយ៕