រដ្ឋបាលខេត្តតាកែវ នឹងរៀបចំពិធីអបអរសាទរការបើកការដ្ឋានសាងសង់ព្រែកជីកហ្វូណនតេជោ ថ្ងៃទី៥ ខែសីហា ឆាំ្ន២០២៤
ភ្នំពេញ៖ ដើម្បីអបអរសាទរព្រឹត្តិការណ៍ជាប្រវត្តិសាស្ត្រ និងគាំទ្រគោលនយោបាយប្រកប ដោយគតិបណ្ឌិតដ៏វែងឆ្ងាយ របស់ សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ដ្រី នៃព្រះរាជាណាចក្រកម្ពុជា និងចូលរួមគាំទ្រគោលនយោបាយប្រកបដោយបញ្ញាញាណម្លៀសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អាណត្តិទី៧ នៃរដ្ឋសភា។
រដ្ឋបាលខេត្តតាកែវ នឹងរៀបចំព្រឹត្តិការណ៍ កំសាន្តសំខាន់ៗចំនួនពីរដូចជា៖
១. ការប្រកួតកីឡាបាល់ទាត់មិត្តភាពរវាងថ្នាក់ដឹកនាំខេត្តតាកែវ (ហ្វូណនតេជោបេះដូងខ្ញុំ) ជាមួយក្រុមបាល់ ទាត់តារាកម្ពុជា (Cambodia Football Superstar)ចាប់ពីម៉ោង១៤:០០ នាទីរសៀល ដល់ម៉ោង១៨៖០០ នាទីល្ងាច ថ្ងៃទី០៥ ខែសីហា ឆ្នាំ២០២៤ នៅកីឡាដ្ឋានគិរីវង់សុខសែនជ័យ ភូមិត្រពាំងអង្គ សង្កាត់រការក្រៅ ក្រុងដូនកែវ (ជិតវត្តឈើទាលទងត្រា)។
២. ការប្រគុំតន្ត្រី និងបាញ់កាំជ្រួចនៅវេលាម៉ោង ១៩:០០នាទីយប់ ថ្ងៃទី០៥ ខែសីហា ឆ្នាំ២០២៤ នៅទី តាំងសួនច្បារមាត់បឹងតាកែវ ខាងមុខសាលមហោស្រពខេត្ត៕
