ក្រសួងព័ត៌មាន នឹងរៀបចំសន្និសីទសារព័ត៌មាន ដើម្បីផ្សព្វផ្សាយ និងដាក់ឱ្យប្រើប្រាស់ «ធម្មនុញ្ញវិជ្ជាជីវៈសារព័ត៌មានកម្ពុជា» នៅថ្ងៃទី៦ សីហា វេលាម៉ោង៣:០០នាទីរសៀល
ភ្នំពេញ៖ ក្រសួងព័ត៌មាន មានកិត្តិយសសូមជម្រាបជូន អ្នកសារព័ត៌មានជាតិ អន្តរជាតិ និងប្រព័ន្ធផ្សព្វផ្សាយ ទាំងអស់ជ្រាបថា ក្រសួងនឹងរៀបចំសន្និសីទសារព័ត៌មាន ដើម្បីផ្សព្វផ្សាយ និងដាក់ឱ្យប្រើប្រាស់ «ធម្មនុញ្ញវិជ្ជាជីវៈសារព័ត៌មានកម្ពុជា» ដែលនឹងប្រព្រឹត្តទៅនៅថ្ងៃទី៦ ខែសីហា ឆ្នាំ២០២៤ វេលាម៉ោង ៣:០០ នាទីរសៀល នៅសាលសវនាការវាំងឈើ នៃទីស្តីការក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។
សម្រាប់អ្នកសារព័ត៌មានដែលចាប់អារម្មណ៍ចូលរួម សូមមេត្តាធ្វើការទាក់ទងបញ្ជាក់ការចូលរួមតាមលេខទូរសព្ទដែលបានបញ្ជាក់ក្នុងសេចក្តីជូនដំណឹង ឬតាមគ្រុបតេឡេក្រាមនេះ ដោយប្រាប់ឈ្មោះ តួនាទី លេខទូរស័ព្ទ និងអង្គភាព ៕
