រដ្ឋលេខាធិការក្រសួងពាណិជ្ជកម្ម អនុញ្ញាតឱ្យឯកអគ្គរដ្ឋទូតអាល្លឺម៉ង់ និងប្រតិភូរបស់ក្រុមហ៊ុន Adidas ប្រចាំតំបន់អាស៊ីអាគ្នេយ៍ចូលជួបសម្តែងការគួរសម និងពិភាក្សាការងារ

ភ្នំពេញ៖ នារសៀលថ្ងៃទី៨ ខែសីហា ឆ្នាំ២០២៤ នៅទីស្តីការក្រសួងពាណិជ្ជកម្ម ឯកឧត្តម ឱក ប៊ុង រដ្ឋលេខាធិការក្រសួងពាណិជ្ជកម្ម បានអនុញ្ញាតជូន ឯកឧត្តម Stefan Messerer ឯកអគ្គរដ្ឋទូតសហព័ន្ធអាល្លឺម៉ង់ប្រចាំព្រះរាជាណាចក្រកម្ពុជា និងប្រតិភូរបស់ក្រុមហ៊ុន Adidas ប្រចាំតំបន់អាស៊ីអាគ្នេយ៍ចូលជួបសម្តែងការគួរសម និងពិភាក្សាការងារលើលទ្ធភាពក្នុងការពង្រីកទំហំពាណិជ្ជកម្មរបស់ក្រុមហ៊ុន Adidas តាមរយៈការកសាងទំនាក់ទំនងរវាងអ្នកបញ្ជាទិញ និងអ្នកផ្គត់ផ្គង់ក្នុងស្រុក និង ស្វែងយល់បន្ថែមពីគោលនយោបាយនានា ដាក់ចេញដោយរដ្ឋាភិបាលក្នុងការសម្រួលដល់ការវិនិយោគរបស់ក្រុមហ៊ុនបរទេស៕