ឧត្តមសេនីយ៍ទោ សោម ស៊ុន នាំយកថវិកាបេឡាមរណសង្គ្រោះ និងអំណោយដ៏ថ្លៃថ្លារបស់សម្តេចធិបតី ហ៊ុន ម៉ាណែត និងលោកជំទាវ ឧបត្ថម្ភជូនក្រុមគ្រួសារសពអតីតយុទ្ធជនពិការ នៅស្រុកសន្ទុក ខេត្តកំពង់ធំ
ភ្នំពេញ៖ នៅរសៀលថ្ងៃទី៨ ខែសីហា ឆ្នាំ២០២៤ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធានគណៈកម្មាធិការ សមាគមអតីតយុទ្ធជនកម្ពុជាខេត្តកំពង់ធំ បានដឹកនាំសហការី រួម ជាមួយ អាជ្ញាធរ ដែនដី នាំយកនូវថវិកាបេឡាមរណសង្គ្រោះ ព្រមទាំងអំណោយមនុស្សធម៌របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ទៅឧបត្ថម្ភ និង ប្រគល់ជូនក្រុម គ្រួសារ សពលោកពលបាលឯក ជន់ លីម អតីត យុទ្ធ ជន អតីត នៅ អង្គភាព យោធាស្រុកសន្ទុក ខេត្ត កំពង់ធំ ហេីយ បាន ធ្លាក់ ខ្លួន ពិកា រ ដោយ សារ សង្គ្រាម នៅ ដេីមឆ្នាំ ១៩៩៨ និង បាន ទទួល មរណៈភាព កាលពីព្រឹកមិញនេះថ្ងៃទី០៨ ខែសីហា ឆ្នាំ២០២៤ ក្នុង ជន្មាយុ ៦៤ឆ្នាំ ដោយ រោគាពាធ នៅ លេីភូមិថ្មីដីសម្បទានសង្គមកិច្ច ស្ថិតនៅភូមិដងក្តា ឃុំក្រយា ស្រុកសន្ទុក ខេត្ត កំពង់ ធំ ។
ឧត្តមសេនីយ៍ទោ សោម ស៊ុន រួមជាមួយគណៈកម្មាធិការសមាគមអតីតយុទ្ធជនស្រុកសន្ទុក និងអាជ្ញាធរដែនដី បានថ្លែងនូវការ សោកស្ដាយ អាឡោះអាល័យ និង បាន គោរពបួងសួងដល់វិញ្ញាណក្ខន្ធលោកពលបាលឯក ជន់ លី ម សូមបានទៅកាន់សុគតិភព កុំបីឃ្លៀងឃ្លាតឡើយ ហើយនិងបានជូនពរដល់ក្រុមគ្រួសារសព សូម មានសុខភាពល្អ ទទួលបាននូវសេចក្តីសុខ សេចក្តីចម្រើនរស់នៅមានអនាម័យល្អ និងត្រូវខិត ខំបង្កបង្កេីនផល ដាំដំណាំ ចិញ្ចឹមសត្វ ដើម្បីដោះស្រាយជីវភាពប្រចាំថ្ងៃ។
នៅ ក្នុងពិធី បុណ្យ សព នេះ ឧត្តម សេនីយ៍ ទោ សោម ស៊ុន ប្រធាន គណៈកម្មាធិការ សមាគម អតីត យុទ្ធ ជន កម្ពុជា ខេត្ត កំពង់ធំ បានប្រគល់ជូននូវថវិកាបេឡាមរណសង្គ្រោះចំនួន៤លានរៀល ព្រមទាំងគ្រឿងឧបភោគបរិភោគមួយចំនួនទៀត រួម មាន អង្ករ មីជាតិ ទឹកត្រីទឹកស៊ីអ៉ីវ និង ត្រីខ កំប៉ុង ដែលជាអំណោយមនុស្សធម៌របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ផងដែរ។
ក្រុមគ្រួសារសពអតីតយុទ្ធជន បាន សូម គោរព ថ្លែង អំណរគុណ ដ៏ជ្រាលជ្រៅ ជាទី បំផុត ចំពោះ សម្តេច មហា បវរ ធិបតី ហ៊ុន ម៉ាណែត និង លោក ជំទាវ បណ្ឌិត ពេជ ចន្ទមុន្នី និងឧត្តម សេនីយ៍ ទោ សោម ស៊ុន ព្រមទាំង ក្រុម ការងារ គណៈកម្មាធិការ សមាគម អតីត យុទ្ធ ជន កម្ពុជា ខេត្ត កំពង់ធំ ដែល បាន យកចិត្តទុកដាក់ បម្រើ បងប្អូន អតីត យុទ្ធ ជន នៅ ក្នុង ខេត្តកំពង់ធំ ដោយ អស់ ពី ចិត្ត ពី ថ្លើម និង សូមគោរព ជូន ពរ សម្តេច និង លោកជំទាវ ព្រមទាំង ឯកឧត្តម អស់ លោក ទាំង អស់ សូម ទទួល បាន នូវ ពុទ្ធ ពរ ទាំង បួន ប្រការ កុំបី ឃ្លៀង ឃ្លាត ឡើយ ៕
