ឯកឧត្ដម សួស ប្រាថ្នា៖ ៦ខែ អង្គភាពច្រកចេញចូលតែមួយនៅថ្នាក់រាជធានី ខេត្ត ផ្តល់សេវារដ្ឋបាលជូនពលរដ្ឋបានជាង ៣៦ម៉ឺនសេវា ទទួលបានចំណូលជាង ១៣លានដុល្លារ
ភ្នំពេញ៖ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ បានថ្លែងឲ្យដឹងថា ក្នុងរយៈពេល៦ខែ ដើមឆ្នាំ២០២៤នេះ អង្គភាពច្រកចេញចូលតែមួយនៅថ្នាក់រាជធានី ខេត្ត បានផ្តល់សេវារដ្ឋបាលជូនប្រជាពលរដ្ឋបានចំនួន ៣៦១.៧៩៥ សេវា ទទួលបានចំណូលសរុប ៥២.០២៩.១៩៦.១០៩ រៀល សមមូលនឹងដុល្លាអាម៉េរិក ១៣.០០៧.២៩៩ ដុល្លារអាម៉េរិក។
ក្នុងឱកាសអញ្ជើញផ្ដល់កិច្ចសម្ភាសន៍ ស្ដីពី «វឌ្ឍនភាពការងាររបស់ អគ្គនាយកដ្ឋានរដ្ឋបាល ក្រសួងមហាផ្ទៃ» នាថ្ងៃទី១២ ខែសីហា ឆ្នាំ២០២៤នេះ ឯកឧត្តម សួស ប្រាថ្នា បានមានប្រសាសន៍ថា ចំណែការិយាល័យច្រកចេញចូលតែមួយនៅថ្នាក់ក្រុង ស្រុក ខណ្ឌ បានផ្តល់សេវារដ្ឋបាលជូនប្រជាពលរដ្ឋបានចំនួន១.៤៦៧.៥៥៦ សេវា ទទួលបានចំណូលសរុបចំនួន ៤.៣៤៦.២៩០.១១៤ រៀល សមមូលប្រាក់ដុល្លា ១.០៨៦.៥៧២ ដុល្លារអាម៉េរិក ៕
