ឯកឧត្តម មាន ចាន់យ៉ាដា សូមប្រកាសគាំទ្រយ៉ាងពេញទំហឹងចំពោះសារសម្លេងពិសេសរបស់សម្ដេចតេជោ ហ៊ុន សែន ប្រធានព្រឹទ្ធសភា និងប្រឆាំងដាច់ខាតនូវរាល់ការប៉ុនប៉ងផ្ដួលរំលំរាជរដ្ឋាភិបាលកម្ពុជាស្របច្បាប់ ទោះស្ថិតក្នុងតម្លៃណាក៏ដោយ

ភ្នំពេញ៖ ក្នងនាម ថ្នាក់ដឹកនាំ សមាជិក សមាជិកា ផ្នែកគ្រឹះស្ថានសិក្សា នៃយុវជនគណបក្សប្រជាជនកម្ពុជាថ្នាក់កណ្តាល យើងខ្ញុំទាំងអស់គ្នា សូមសម្តែងនូវការគាំទ្រយ៉ាងពេញទំហឹងចំពោះសារសម្លេងពិសេសរបស់ សម្តេចតេជោ កាលពី ថ្ងៃទី១២ ខែសីហា ឆ្នាំ២០២៤ និងប្រឆាំងដាច់ខាតចំពោះទង្វើរបស់ក្រុមប្រឆាំងជ្រុលនិយមមួយក្តាប់តូចនៅក្រៅប្រទេស ដែលបាននឹងកំពុងធ្វើសកម្មភាពអំពាវនាវ និងបំផុសបំផុល ញុះញង់ឱ្យប្រជាពលរដ្ឋ និងកងកម្លាំងប្រដាប់អាវុធ ធ្វើការ បះបោរប្រឆាំងនឹងរាជរដ្ឋាភិបាល ដែលយកបញ្ហានៅប្រទេសបង់ក្លាដេស មកបំផុសឱ្យមានចលនាបដិវត្តន៍ពណ៌ ផ្ដួលរំលំរាជរដ្ឋាភិបាលស្របច្បាប់នៅកម្ពុជា ដូច្នេះ៖ យើងខ្ញុំទាំងអស់គ្នា សូមបញ្ជាក់អំពីជំហរដាច់ខាត ដូចខាងក្រោម៖

១- យើងខ្ញុំទាំងអស់គ្នា ជាកម្លាំងមហាសាមគ្គីដ៏រឹងមាំក្នុងជួរយុវជនគណបក្ស ស្មោះត្រង់ដាច់ខាតបំផុត និងជាឆ្អឹងខ្នងដ៏រឹងមាំបំផុតរបស់គណបក្សប្រជាជនកម្ពុជា ការពារដាច់ខាត រាជរដ្ឋាភិបាលស្របច្បាប់ ដែល កើតចេញពីការបោះឆ្នោតដោយប្រជាពលរដ្ឋ។ ដូច្នេះ រាល់ការប៉ុនប៉ងផ្តួលរំលំ រាជរដ្ឋាភិបាលស្របច្បាប់ ដោយប្រើមធ្យោបាយហិង្សា មិនមែនប្រជាធិបតេយ្យ គឺជាអំពើល្មើសច្បាប់។

២- កម្ពុជាទើបមានសន្តិភាពពេញលេញនៅចុងឆ្នាំ១៩៩៨ ក្រោមនយោបាយឈ្នះ-ឈ្នះរបស់ សម្តេចតជោ ប៊ុន សែន ដែលកម្ពុជាមិនធ្លាប់មានពីមុនមកក្នុងប្រវត្តិសាស្ត្រ។ សន្តិភាពមានតម្លៃធំធេងណាស់ មិនអាច កាត់ថ្លៃបានឡើយ និងបានផ្តល់ឱ្យកម្ពុជាមានការរីកចម្រើនលើគ្រប់វិស័យ។ ដូច្នេះ៖ ការប៉ុនប៉ងអូសទាញ ប្រទេសកម្ពុជាឱ្យធ្លាក់ក្នុងសភាពវឹកវរ ហិង្សា បង្ហូរឈាម និងឈានទៅរកសង្គ្រាមស៊ីវិលសារជាថ្មី គឺជាអំពើ ល្មើសច្បាប់មិនអាចអត់ឱនបានឡើយ។ ហេតុនេះ ផ្នែកគ្រឹះស្ថានសិក្សានៃយុវជនគណបក្សប្រជាជនកម្ពុជា ថ្នាក់កណ្តាល ប្រឆាំងដាច់ខាត ចំពោះឧបាយកលទុច្ចរិតរបស់ពួក ឧទ្ទាមក្រៅច្បាប់ដែលបានញុះញង់ អុជអាល បំផ្លិចបំផ្លាញជាតិ បំផ្លាញសន្តិភាព ក្នុងគោលបំណងផ្តួលរំលំរាជរដ្ឋាភិបាលស្របច្បាប់។

៣- យើងខ្ញុំទាំងអស់គា្ន ក៏ដូចជាយុវជនគណបក្សប្រជាជនកម្ពុជានៅទូទាំងប្រទេស នឹងចូលរួមធ្វើការឆ្លើយតប និងវាយបកនូវរាល់ឧបាយកលទុច្ចរិត ការប៉ុនប៉ងបង្កចលាចល ផ្តួលរំលំរាជរដ្ឋាភិបាល តាមគ្រប់រូបភាព ក្នុងគោលបំណងបំបែកបំបាក់ និងបំផ្លិចបំផ្លាញកម្ពុជាដែលកំពុងស្ថិតក្រោមម្លប់នៃសុខសន្តិភាព និងការអភិវឌ្ឍលើគ្រប់វិស័យ នាពេលបច្ចុប្បន្ន។

៤- ថ្នាក់ដឹកនាំ សមាជិក សមាជិកា ផ្នែកគ្រឹះស្ថានសិក្សា នៃយុវជនគណបក្សប្រជាជនកម្ពុជាថ្នាក់កណ្ដាល សូមប្រកាសជាឱឡារិក ស្មោះត្រង់ដោយឥតងាករេ ចំពោះគណបក្សប្រជាជនកម្ពុជាដែលមាន សម្តេច តេជោ ហ៊ុន សែន ជាប្រធានគណបក្ស និងគាំទ្រយ៉ាងពេញទំហឹងចំពោះរាជរដ្ឋាភិបាលកម្ពុជាដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានគណបក្ស នឹងការពារឱ្យបានជាដាច់ខាតនូវសុខសន្តិភាព ស្ថិរភាពនយោបាយ អធិបតេយ្យភាពជាតិ និងបូរណភាពទឹកដី ទោះជាក្នុងតម្លៃណាក៏ដោយ៕