សាខាកាកបាទក្រហមកម្ពុជា ខេត្តព្រៃវែង បើកកិច្ចប្រជុំស្ដីពីនីតិវិធីនៃការគ្រប់គ្រងការងារ របស់អនុសាខាក្រុង-ស្រុកទាំង១៣

ភ្នំពេញ៖ នៅថ្ងៃទី១៤ ខែសីហា ឆ្នាំ២០២៤ សាខាកាកបាទក្រហមកម្ពុជា ខេត្តព្រៃវែង បានបើកកិច្ចប្រជុំស្ដីពីនីតិវិធីនៃការគ្រប់គ្រងការងារ របស់អនុសាខាក្រុង-ស្រុកទាំង ១៣ ស្ថិតក្រោមអធិបតីភាព ឯកឧត្តម សុខ ផេង អនុប្រធានអចិន្ត្រៃយ៍គណៈកម្មាធិការសាខាខេត្ត តំណាង ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត និងមានការអញ្ចើញចូលរួមពីលោក វ៉ាន់ សុភាព ហេរញ្ញិកគណៈកម្មាធិការសាខាខេត្ត លោកស្រីបណ្ឌិតនាយិកាសាខាខេត្ត មន្ត្រីក្រុមប្រតិបត្តិសាខា លោក លោកស្រី ប្រធាន អនុប្រធាន ហេរញ្ញិក លេខាធិការ និងសមាជិក សមាជិកា គណៈកម្មាធិការអនុសាខាក្រុង-ស្រុក ទាំង១៣ សរុបអ្នកចូលរួមចំនួន ៣៣នាក់ នៅទីស្នាក់ការ សាខាកាកបាទក្រហមកម្ពុជា ខេត្តព្រៃវែង។

ឯកឧត្ដមអនុប្រធានអចិន្ត្រៃយ៍គណៈកម្មាធិការសាខាខេត្ត បាននាំមកនូវប្រសាសន៍ផ្ដាំផ្ញើសួរសុខពី សំណាក់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានកិត្តិយសសាខា ពិសេសសេចក្តីនឹករលឹក និងការផ្តាំសួរសុខទុក្ខ ពី សំណាក់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។

កិច្ចប្រជុំនេះមានរបៀបវារៈ ចំនួន ២ចំណុច ដូចខាងក្រោម៖
១- នីតិវិធីនៃការគ្រប់គ្រងការងាររបស់អនុសាខាក្រុង-ស្រុកទាំង ១៣
២- បញ្ហាផ្សេងៗ

ជាកិច្ចបញ្ចប់ ឯកឧត្តមអនុប្រធានអចិន្ត្រៃយ៍ បានមានមតិផ្តាំផ្ញើលោក លោកស្រី ប្រធាន អនុប្រធាន ហេរញ្ញិក លេខាធិការ និងសមាជិក សមាជិកា គណៈកម្មាធិការអនុសាខាក្រុង-ស្រុក ទាំង១៣ សូមអនុវត្តតាមខ្លឹមសារនៃកិច្ចប្រជុំ និងជូនពរដល់សមាជិក សមាជិកា នៃកិច្ចប្រជុំ ដែលមានវត្តមាននៅទីនេះ សូមទទួលបាន នូវពុទ្ធពរ ទាំង៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕