ឯកឧត្ដម ហេង ណន ជួបគណៈប្រតិភូក្រុមហ៊ុន Adani Ports and Logistics ពិភាក្សាពីការវិនិយោគលើវិស័យភស្តុភារកម្ម វិស័យដឹកជញ្ជូនផ្លូវទឹក និងកំពង់ផែនៅកម្ពុជា

ភ្នំពេញ៖ ឯកឧត្ដម ហេង ណន រដ្ឋលេខាធិការក្រសួងសាធារណការ និងដឹកជញ្ជូន នាថ្ងៃពុធ ទី១៤ ខែសីហា ឆ្នាំ២០២៤ បានទទួលជួបពិភាក្សាការងារជាមួយគណ:ប្រតិភូក្រុមហ៊ុន Adani Ports and Logistics ដឹកនាំដោយ​លោក Capt. Sandeep Mehta ដោយមានការអញ្ជើញចូលរួមពីសំណាក់ ឯកឧត្តម លោកជំទាវ ជាថ្នាក់ដឹកនាំក្រសួង និងមន្ត្រីក្រោមឱវាទ។

ជំនួបនេះធ្វើឡើងក្នុងគោលបំណងដើម្បីផ្លាស់ប្តូរមតិយោបល់ សិក្សាស្វែងយល់ពីឱកាសសហការ និងវិនិយោគលើវិស័យភស្តុភារកម្ម វិស័យដឹកជញ្ជូនផ្លូវទឹក និងកំពង់ផែនៅកម្ពុជា។​

គណ:ប្រតិភូ​ក្រមហ៊ុនAdani Ports and Logistics បានសម្តែងការចាប់អារម្មណ៍យ៉ាងខ្លាំងទៅលេីគម្រោងដែលប្រកបដោយសក្តានុពលរបស់កម្ពុជា​ ហេីយសន្យានាំយកនូវគម្រោងទាំងនេះ​ ទៅផ្សព្វផ្សាយបន្តជូនដល់ដៃគូរវិនិយោគរបស់ខ្លួនបន្ថែមទៀត៕