ឧត្តមសេនីយ៍ឯក អ៊ួន សារឿន មេបញ្ជាការរងកងទ័ពជើងគោក អញ្ជើញបើកវគ្គហ្វឹកហ្វឺនបណ្តុះបណ្តាលនាយទាហានរងថ្នាក់កងអនុសេនាតូចថ្មើរជើងជំនាន់ទី៣

ភ្នំពេញ៖ នៅថ្ងៃទី២១ ខែសីហា ឆ្នាំ២០២៤ ឯកឧត្តម ឧត្តមសេនីយ៍ឯក អ៊ួន សារឿន មេបញ្ជាការរងកងទ័ពជើងគោក បានអញ្ជើញជាអធិបតីភាពក្នុងពិធីវគ្គហ្វឹកហ្វឺនបណ្តុះបណ្តាលនាយទាហានរងថ្នាក់កងអនុសេនាតូចថ្មើរជើងជំនាន់ទី៣ នៅមជ្ឈមណ្ឌលហ្វឹកហ្វឺនកងទ័ពជើងគោក។

ជំនួសមុខឲ្យឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ឧត្តមសេនីយ៍ឯក អ៊ួន សារឿន បានគូសបញ្ជាក់ពីតួនាទី ភារកិច្ច ថ្នាក់កងអនុសេនាតូច មានសារៈសំខាន់ណាស់នៅក្នុងពេលអនុវត្តន័ការងារ ក៏ដូចពេលប្រយុទ្ធ ជាមូលដ្ឋានចាំបាច់បំផុតក្នុងការដឹកនាំបញ្ជាទៀមទាឲ្យសិក្ខាកាមខិតខំយកចិត្តទុកដាក់សិក្សារៀនសូត្រ ។

ឧត្តមសេនីយ៍ឯក អ៊ួន សារឿន បានសំណូមពរដល់គ្រូយោធាចារ្យត្រូវរិះរកយុទ្ធសាស្ត្រធ្វើយ៉ាងណាឲ្យសិស្សសិក្សាងាយយល់សង្ឃឹមថាពេលបញ្ចប់វគ្គទទួលបានលទ្ធផលល្អប្រសើរ។

ឧត្តមសេនីយ៍ឯក អ៊ួន សារឿន បានផ្តាំផ្ញើដល់សិក្ខាកាមទាំងអស់ត្រូវយកចិត្តដាក់រៀនសូត្រ មានវិន័យខ្ពស់ ត្រូវគោរពវិន័យបទបញ្ជាផ្ទៃក្នុងវគ្គ មានសាមគ្គីផ្ទៃក្នុងល្អ និងគោរពពេលវេលារៀនសូត្រអោយបានទៀងទាត់ មានអត្តចរិកល្អស័កសមជាកងយោធពលខេមរភូមិន្ទ និងត្រូវចៀសឲ្យឆ្ងាយពីគ្រឿងញឿន សង្ឃឹមថាពេលបញ្ចប់វគ្គទទួលលទ្ធផលល្អ។

តាមរបាយការណ៍ឯកឧត្តម ឧត្តមសេនីយ៍ទោ មួង វុទ្ធានាយសេនាររង នាយកមជ្ឈមណ្ឌលហ្វឹកហ្វឺនកងទ័ពជើងគោក បានឲ្យដឹងថា៖ វគ្គហ្វឹកហ្វឺនបណ្តុះបណ្តាលនាយទាហានរងថ្នាក់កងអនុសេនាតូចថ្មើរជើងជំនាន់ទី៣ មានរយៈពេលសិក្សា ០៩ខែ ចាប់បើកពីថ្ងៃទី០៧ ខែសីហា ឆ្នាំ២០១៤។ សិល្សាខ្លឹមសាររួមមាន៖ យុទ្ធវិធីថ្មើរជើង ; អប់រំចិត្តសាស្ត្រ+ វិន័យ; បច្ចេកទេសថ្មើរជើង និងយោធារួម សិក្ខាកាមសរុបចំនួន ១០០នាក់ មកពីបណ្តាអង្គភាពចំណុះកងទ័ពជើងគោក៕