បេក្ខជនគ្រូបង្រៀនមត្តេយ្យសិក្សាទាំងអស់ ត្រូវចូលរួមការប្រឡងលើវិញ្ញាសាសរសេរ លើកទី១ នាថ្ងៃទី១ កញ្ញា

ភ្នំពេញ៖ គណៈកម្មការរៀបចំការប្រឡងប្រជែង បានចេញសេចក្ដីជូនដំណឹង ដល់បេក្ខជនដែលមានរាយនាម ក្នុងសេចក្តីសម្រេចលេខ ២៩០៤/២៤ មស.សសរ ចុះថ្ងៃទី ១៩ ខែសីហា ឆ្នាំ២០២៤ ស្តីពីការទទួលស្គាល់បេក្ខជនសម្រាប់ ការប្រឡងប្រជែងជ្រើសរើសគ្រូបង្រៀនមត្តេយ្យសិក្សា ឱ្យចូលបម្រើការងារក្នុងក្របខណ្ឌក្រសួងអប់រំ យុវជន និងកីឡា ឱ្យបានជ្រាបថា បេក្ខជនទាំងអស់ត្រូវចូលរួមការប្រឡងលើវិញ្ញាសាសរសេរលើកទី១ ដែលនឹងប្រព្រឹត្តទៅដូចខាងក្រោម៖

ក-វិញ្ញាសាប្រឡង៖ សំណួរពហុចម្លើយពាក់ព័ន្ធនឹងវប្បធម៌ទូទៅ (៣០%) និង គណិតវិទ្យា (៧០%) រយៈពេល ២ម៉ោង (តាមកម្មវិធីថ្នាក់ទី១២)។

ខ-សម័យប្រឡង មណ្ឌលប្រឡង និងវេនប្រឡង៖

១-សម័យប្រឡង ថ្ងៃអាទិត្យ ទី១ ខែកញ្ញា ឆ្នាំ២០២៤

២-មណ្ឌលប្រឡង សាកលវិទ្យាល័យភូមិន្ទភ្នំពេញ (ស្ថិតតាមបណ្តោយមហាវិថីសហព័ន្ធរុស្សី សង្កាត់ទឹកល្អក់១ ខណ្ឌទួលគោក រាជធានីភ្នំពេញ)។

៣-វេនប្រឡង

+វេនទី១. ចាប់ពីម៉ោង ១២:០០នាទី ដល់ម៉ោង ១៤:០០នាទី៖ សម្រាប់បេក្ខជនដែលជ្រើសរើសប៉ុស្តិ៍នៅ ខេត្តកណ្តាល, ខេត្តរតនគិរី, ខេត្តស្វាយរៀង, ខេត្តកំពង់ធំ, ខេត្តកំពង់ចាម, ខេត្តព្រៃវែង, ខេត្តក្រចេះ, ខេត្តត្បូងឃ្មុំ, រាជធានីភ្នំពេញ, ខេត្តមណ្ឌលគិរី, ខេត្តព្រះវិហារ, ខេត្តស្ទឹងត្រែង។ ១៨:០០នាទី៖ សម្រាប់បេក្ខជនដែលជ្រើសរើសប៉ុស្តិ៍នៅ

+វេនទី២. ចាប់ពីម៉ោង ១៦:០០នាទី ដល់ម៉ោង ខេត្តកំពង់ស្ពឺ, ខេត្តបន្ទាយមានជ័យ, ខេត្តប៉ៃលិន, ខេត្តសៀមរាប, ខេត្តកំពត, ខេត្តកែប, ខេត្តព្រះសីហនុ, ខេត្តពោធិ៍សាត់, ខេត្តតាកែវ, ខេត្តឧត្តរមានជ័យ, ខេត្តបាត់ដំបង, ខេត្តកំពង់ឆ្នាំង, ខេត្តកោះកុង។

សូមបញ្ជាក់ថា បេក្ខជនត្រូវមកដល់មណ្ឌលប្រឡង ១ម៉ោងមុនការប្រឡងតាមវេនកំណត់ និងភ្ជាប់មកជាមួយនូវ៖ – សលាកបត្រឯកត្តជន និងអត្តសញ្ញាណប័ណ្ណសញ្ជាតិខ្មែរ ឬឆាយា (ព្រះសង្ឃ) ឬលិខិតបញ្ជាក់ អត្តសញ្ញាណផ្សេងទៀត ដែលចេញដោយអាជ្ញាធរមានសមត្ថកិច្ច។ – ប៊ិកពណ៌ខៀវ និងបន្ទាត់ សម្រាប់ប្រើប្រាស់ពេលប្រឡង។

ជាមួយគ្នានោះបេក្ខជនមិនត្រូវយកឯកសារផ្សេងៗ ព្រមទាំងឧបករណ៍អេឡិចត្រូនិកគ្រប់ប្រភេទ (កុំព្យូទ័រ, ទូរស័ព្ទ, នាឡិកាឆ្លាតវៃ…) ចូលក្នុងមណ្ឌលប្រឡងជាដាច់ខាត និងមិនមានការទទួលរក្សាទុកនោះទេ ។

ចំពោះសម្លៀកបំពាក់សមរម្យ៖ សម្រាប់ស្ត្រី ៖ សំពត់ពណ៌ខ្មៅ ឬពណ៌ទឹកប៊ិកចាស់ក្រោមជង្គង់ និងអាវពណ៌ស ។ សម្រាប់បុរស៖ ខោជើងវែងពណ៌ខ្មៅ ឬពណ៌ទឹកប៊ិកចាស់ និងអាវពណ៌ស ៕