មន្ត្រីជាន់ខ្ពស់ក្រសួងការបរទេសកម្ពុជា ចូលរួមវេទិការធុរកិច្ច មេគង្គ-សាធារណរដ្ឋកូរ៉េ លើកទី១២ នៅទីក្រុងវៀងចន្ទន៍

ភ្នំពេញ៖ កាលពីថ្ងៃទី២០ ខែសីហា ឆ្នាំ២០២៤ លោកជំទាវ រត្ន ម៉ានី អនុរដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ បានដឹកនាំគណៈប្រតិភូកម្ពុជាអញ្ជើញចូលរួមវេទិការធុរកិច្ច មេគង្គ-សាធារណរដ្ឋកូរ៉េ លើកទី១២ (the 12th Mekong-ROK Business Forum)នៅទីក្រុងវៀងចន្ទន៍ សាធារណរដ្ឋប្រជាធិបតេយ្យប្រជាមានិតឡាវ ។

ក្រោមមូលបទ «Capacity Building of SMEs to Enhance Connectivity in the Mekong Region» វេទិកានេះត្រូវបានសហការរៀបចំដោយក្រសួងការបរទេសឡាវ និងសាធារណរដ្ឋកូរ៉េ ក្នុងគោលបំណងបន្តរក្សាភាពជាដៃគូររវាងរដ្ឋាភិបាល និងវិស័យឯកជនឲ្យកាន់តែល្អប្រសើដែលនឹងផ្តល់ឱកាសដល់សហគ្រាសធុនតូច និងមធ្យមនៃបណ្តាប្រទេសមេគង្គ និងសាធារណរដ្ឋកូរ៉េ ក្នុងការតភ្ជាប់ទំនាក់ទំនង ស្វែងរកដៃគូរដែលមានសាក្តានុពលសម្រាប់ពង្រីកមុខជំនួញ។

នៅក្នុងកិច្ចពិភាក្សា វាគ្មិនកម្ពុជាដែលមកពីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៌ បានឧទេ្ទសនាមអំពីស្ថានភាពបច្ចុប្បន្ននៃសហគ្រាសធុនតូច និងមធ្យមនៅកម្ពុជា ជាពិសេសការដាក់ចេញនូវ “យុទ្ធសាស្រ្តជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ ២០២៣-២០២៨” ដែលរួមមានការលើកទឹកចិត្តផ្នែកពន្ធដារដូចជាការលើកលែងពន្ធនិងកម្រៃសេវាមួយចំនួន សម្រាប់សហគ្រាសធុនតូច និងមធ្យមដែលបានចុះឈ្មោះដោយស្ម័គ្រចិត្ត ៕