ឯកឧត្តមបណ្ឌិត កៅ ថាច ជួបសំណេះសំណាលជាមួយលោកគ្រូ អ្នកគ្រូ និងសិស្សបំប៉នត្រៀមប្រឡងបាក់ឌុប ឆ្នាំសិក្សា ២០២៣-២០២៤ នៅវិទ្យាល័យហ៊ុនសែនខ្សាច់កណ្តាល

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានអញ្ជើញជាអធិបតីក្នុងពិធីសំណេះសំណាលជាមួយលោកគ្រូ អ្នកគ្រូ និងសិស្សបំប៉នត្រៀមប្រឡងសញ្ញាបត្រ មធ្យមសិក្សាទុតិយភូមិ ឆ្នាំសិក្សា ២០២៣-២០២៤ នៅវិទ្យាល័យហ៊ុនសែនខ្សាច់កណ្តាល នាថ្ងៃទី២៤ ខែសីហា ឆ្នាំ ២០២៤។

សម្រាប់វត្តមានអញ្ជើញចូលរួមរបស់ ឯកឧត្តមបណ្ឌិត កៅ ថាច បានធ្វើឲ្យគណៈគ្រប់គ្រងវិទ្យាល័យ លោកគ្រូអ្នកគ្រូ និងសិស្សានុសិស្សទាំងអស់ សូមសំដែងអំណរគុណយ៉ាងជ្រាលជ្រៅបំផុតនាឱកាសដ៏មានតំលៃ និងមមាញឹក ចូលរួមក្នុងពិធីនេះ។

ជាមួយគ្នានេះ ឯកឧត្តមបណ្ឌិត កៅ ថាច ក៏បានលើកឡើងពីកិច្ចសហប្រតិបត្តិការតំបន់ត្រីកោណ អភិវឌ្ឍន៍ CLV-DTA និងសូមជឿជាក់លេីការដឹកនាំរបស់រាជរដ្ឋាភិបាល សូមចូលរួមគាំទ្រយ៉ាងពេញទំហឹងលេីកិច្ចសហប្រតិបត្តិការនេះ ដែលជាគំនិតផ្តួចផ្តើមរបស់សម្តេចតេជោ ហ៊ុន សែន អតីតនាយករដ្ឋមន្ត្រីរយៈពេល២៥ឆ្នាំហើយ។

សម្រាប់ឯកឧត្តមបណ្ឌិត បានសំណូមពរដល់សិក្សានុសិស្សទាំងនៅក្នុងស្រុកខ្សាច់កណ្ដាល ត្រូវជៀងជាក់លើរាជរដ្ឋាភិបាលយើង ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី សូម កុំចាញ់បោកការញុះញង់ពីក្រុមប្រឆាំងមួយក្តាប់តូចដែលប៉ុនប៉ង មកបំផ្លាញសុខសន្តិភាពនៅកម្ពុជាយើង។

សូមជម្រាបថា ជាលទ្ធផលប្រឡងសញ្ញាប័ត្រមធ្យម សិក្សាទុតិយភូមិ សម័យប្រឡង ០៦ វិច្ឆិការ ២០២៣ របស់វិទ្យាល័យហ៊ុនសែនខ្សាច់កណ្តាល សិស្សទៅប្រឡងសញ្ញាប័ត្រមធ្យមសិក្សាទុតិយភូមិមានចំនួន ៣៥៧នាក់ ស្រី ២០៣នាក់ ប្រឡងជាប់ ២៦៦នាក់ ស្មើនឹង ៧៤,៥០% ស្រី១៥៥នាក់ ស្មើនឹង ៧៦,៣៥%។ ក្នុងនោះនិទ្ទេស A = ៣នាក់ ស្រី ០នាក់, និទ្ទេស B = ១២នាក់ ស្រី ៥នាក់, និទ្ទេស C = ៤៦នាក់ ស្រី ១៩នាក់, និទ្ទេស D =៩៩នាក់ ស្រី ៦៦នាក់, និទ្ទេស E =១០៦នាក់ ស្រី ៦៥នាក់ និងនិទ្ទេស F =៩១នាក់ ស្រី ៤៨នាក់ ៕