ឯកឧត្តម ឆែម សាវុធ ដឹកនាំកិច្ចប្រជុំពិនិត្យ និងវាយតម្លៃទណ្ឌិតស្នើរសុំបន្ធូរបន្ថយទោស និងលើកលែងទោស របស់មណ្ឌលអប់រំកែប្រែ
ភ្នំពេញ៖ នៅសាលប្រជុំ៤២០ នៅអគ្គនាយកដ្ឋានពន្ធនាគារ នាព្រឹកថ្ងៃទី៣០ ខែសីហា ឆ្នាំ២០២៤ ឯកឧត្តម ឆែម សាវុធ រដ្ឋលេខាធិការ ក្រសួងមហាផ្ទៃ ទទួលការងារអគ្គនាយកដ្ឋានពន្ធនាគារ បានអញ្ជើញជាអធិបតីដឹកនាំកិច្ចប្រជុំពិនិត្យតារាងបញ្ជីឈ្មោះទណ្ឌិតស្នើរសុំបន្ធូរបន្ថយទោស និងលើកលែងទោស របស់មណ្ឌលអប់រំកែប្រែទី១ ទី២ ទី៣ និងទី៤ សម្រាប់ពិធីបុណ្យឯករាជ្យជាតិ (៩វិច្ឆិកា) និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។
កិច្ចប្រជុំនេះ ក៏មានការអញ្ជើញចូលរួមពីឯកឧត្តម ឧត្តមអគ្គានុរក្សថ្នាក់លេខ១ សន កែវ អគ្គនាយករង, ឯកឧត្តម ឧត្តមអគ្គានុរក្សថ្នាក់លេខ១ នុត សវនា អគ្គនាយករង តំណាងដ៏ខ្ពង់ខ្ពស់ឯកឧត្តម អគ្គនាយក នៃអគ្គនាយកដ្ឋានពន្ធនាគារ លោកជំទាវអនុរដ្ឋលេខាធិការ ទីប្រឹក្សា ព្រះរាជអជ្ញា អគ្គនាយករង ប្រធាននាយកដ្ឋាន តំណាងក្រុមប្រឹក្សានីតិកម្ម អនុប្រធាននាយកដ្ឋានព្រហ្មទណ្ឌ និងមន្រ្តីពាក់ព័ន្ធ។
ជាលទ្ធផលបឋមអង្គប្រជុំសម្រេចដាក់សំណើស្នើសុំបន្ធូរបន្ថយទោស និងលើកលែងទោសដល់ទណ្ឌិតសរុបចំនួន១៩២នាក់ ស្រី២៨នាក់ ៕
