ឧត្តមសេនីយ៍ទោ សេង ធារិន អញ្ជើញត្រួតពិនិត្យលទ្ធផល វគ្គហ្វឹកហ្វឺនបំប៉ននាយទាហានរង ថ្នាក់ពួក ក្រុមថ្មើរជើង នៅទីលានបាញ់គ្រាប់ពិត (ភ្នំតូច)

ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការស្ដីទី យោធភូមិភាគទី៥ នៅថ្ងៃទី៥ ខែកញ្ញា ឆ្នាំ២០២៤ បានអញ្ជើញជាអធិបតី ក្នុងពិធីបាញ់គ្រាប់ពិតអាវុធ (AK47) ត្រួតពិនិត្យលទ្ធផល វគ្គហ្វឹកហ្វឺនបំប៉ននាយទាហានរង ថ្នាក់ពួក ក្រុមថ្មើរជើង នៅទីលានបាញ់គ្រាប់ពិត (ភ្នំតូច) ស្ថិតក្នុងភូមិឥន្ទជិត ឃុំឈើទាល ស្រុកបាណន់ ខេត្តបាត់ដំបង។

ពិធីបាញ់គ្រាប់ពិតក្នុងពេលនេះ មាន ៣កាយវិការ :
១.កាយវិការ ដេកបាញ់
២.កាយវិការ លុតជង្គង់បាញ់
៣.កាយវិការ ឈរបាញ់
ក្រោយពីបញ្ចប់ការបាញ់លទ្ធផលទទួលបានចំណាត់ថ្នាក់ល្អណាស់ មានចំនួន ៩៧នាក់ ចំណាត់ថ្នាក់ល្អ មានចំនួន ៥នាក់ ចំណាត់ថ្នាក់បង្គួរ មានចំនួន ២២នាក់ និងចំណាត់ថ្នាក់មធ្យម មានចំនួន ៣៧នាក់។

ឧត្តមសេនីយ៍ទោ សេង ធារិន មេបញ្ជាការស្តីទី យោធភូមិភាគទី៥ បានធ្វើការកោតសរសើរ ដល់សិក្ខាកាមទាំងអស់ដែលខិតខំប្រឹងប្រែងសិក្សារៀនសូត្ររហូតទទួលលទ្ធផលល្អក្នុងពេលបាញ់គ្រាប់ពិតនាពេលនេះ និងបានធ្វើការផ្ដាំផ្ញើឲ្យសិក្ខាកាមទាំងអស់ចៀសវាងពីគ្រឿងញៀន បន្តយកចិត្តទុកដាក់សិក្សារៀនសូត្រ ពីយោធាចារ្យបន្ថែមទៀតដើម្បីយកចំណេះដឹងដែលទទួលបានពីសាលាទៅបម្រើអង្គភាព និងជាតិមាតុភូមិរបស់ខ្លួន៕