ស្ថានីយ៏ប្រេងឥន្ធនៈ អំណោយរបស់អគ្គនាយកដ្ឋានភស្តុភាហិរញ្ញវត្ថុក្រសួងការពារជាតិ ត្រូវបានសម្ពោធដាក់ឱ្យប្រើប្រាស់

ភ្នំពេញ៖ នៅថ្ងៃទី៦ ខែកញ្ញា ឆ្នាំ២០២៤ នៅទីបញ្ជាការដ្ឋានយោធភូមិភាគទី៤ បានប្រារឰពិធីសម្ពោធដាក់អោយប្រើប្រាស់ស្ថានីយ៏ប្រេងឥន្ធនៈ ដែលជាអំណោយរបស់ អគ្គនាយកដ្ឋានភស្តុភាហិរញ្ញវត្ថុ ក្រសួងការពារជាតិ ក្រោមអធិបតីភាព ឯកឧត្តម ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋានភស្តុភា ហិរញ្ញវត្ថុ ក្រសួងការពារជាតិ និង ឯកឧត្តម ឧត្តមសេនយ៏ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤។

ដោយពិធីនេះក៏មានការអញ្ជើញចូលរួមពីសំណាក់ ឯកឧត្តម អស់លោក ថ្នាក់ដឹកនាំ នាយស្ថាប័ន ព្រមទាំងនាយទាហាន នាយទាហានរង និងពលទាហាន ចំណុះយោធភូមិភាគទី៤។

នាឱកាសនោះ ឯកឧត្តម ឧត្តមសេនីយ៍ឯក ម៉ឹង ពន្លក បាននាំយកនូវអំណោយ របស់អគ្គនាយកដ្ឋានភស្តុភា ហិរញ្ញវត្ថុ ក្រសួងការពារជាតិ រួមមាន÷
– អង្ករ ចំនួន ២០០០ គីឡូក្រាម
– ត្រីខ ចំនួន ២០០ គីឡូក្រាម ស្មើរនឹង ១០កេស
– ថវិកា ចំនួន ៥,០០០,០០០រៀល (ប្រាំលានរៀល)
– ម៉ូតូស៊ីទែនដឹកប្រេងឥន្ធនៈ ចំនួន ០១គ្រឿង។

បញ្ជាក់: ក្នុងនោះដែរក៏មាន៖
– ការឧបត្ថម្ភថវិកាដល់ក្រុមកងកិត្តិយស ចំនួន ៥៦០,០០០រៀល (ហាសិបប្រាំមួយម៉ឺនរៀល)
– មន្ទីរពេទ្យយោធភូមិភាគទី៤ ចំនួន ១,០០០,០០០រៀល (មួយលានរៀល)
– និងអ្នកជំងឺសម្រាកនៅមន្ទីរពេទ្យយោធភូមិភាគទី៤ ម្នាក់ៗ ទទួលបានថវិកា ចំនួន ៥០,០០០រៀល (ប្រាំម៉ឺនរៀល) ផងដែរ ៕