សម្ដេចធិបតី ហ៊ុន ម៉ាណែត នឹងអញ្ជើញសម្ពោធអាងស្តុកទឹកអូរតេ នៅខេត្តមណ្ឌលគិរី ដែលអាចស្តុកទឹកបានរហូតដល់ ១លាន ២សែនគីប
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងឲ្យដឹងថា នៅខែវិច្ឆិកា ឆ្នាំ២០២៤ខាងមុខ សម្ដេច នឹងអញ្ជើញសម្ពោធដាក់ឲ្យប្រើប្រាស់ជាផ្លូវការ នូវទំនប់អាងទឹកអូរតេនៅខេត្តមណ្ឌលគិរី ដែលអាចស្តុកទឹកបានរហូតដល់ ១លាន ២សែនគីប ។
ក្នុងឱកាសអញ្ជើញ បិទវេទិកាស្រូវអង្ករកម្ពុជាលើកទី៧ ឆ្នាំ២០២៤ នាថ្ងៃទី១០ ខែកញ្ញានេះ សម្ដេចធិបតី ហ៊ុន ម៉ាណែត បានមានប្រសាសន៍ថា នៅពេលដែលយើងធ្វើប្រព័ន្ធធារាសាស្ត្របែបនេះ គឺធានានូវការទស្សទាយបានថា ទឹកអាចធ្វើតាមរដូវបាន និងបង្កើននូវទិន្នផលរបស់បងប្អូនប្រជាពលរដ្ឋ ។
សម្ដេចធិបតី បានឲ្យដឹងទៀតថា រាជរដ្ឋាភិបាល នឹងធ្វើប្រព័ន្ធធារាសាស្ត្រជាច្រើនបន្ថែមទៀត ដើម្បីជួយដល់បងប្អូនប្រជាកសិករផង ក៏ដូចជាជួយដល់សេដ្ឋកិច្ចជាតិផងដែរ ៕
