ក្រសួងកសិកម្ម ប្រកាសជ្រើសរើសបេក្ខភាពសម្រាប់មុខតំណែងជា ប្រធានរដ្ឋបាលព្រៃឈើ
ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីជូនដំណឹង ស្តីពីការប្រកាសប្រកាសជ្រើសរើសបេក្ខភាពសម្រាប់ទទួលមុខតំណែងជា “ប្រធានរដ្ឋបាលព្រៃឈើ ចាប់ពីពេលនេះតទៅ។
បេក្ខជនដែលមានបំណងចង់ដាក់ពាក្យស្នើសុំទទួលមុខតំណែងនេះ ត្រូវបំពេញលក្ខខណ្ឌដូចខាងក្រោម៖
១. ក្របខ័ណ្ឌ ឋានន្តរស័ក្តិ ថ្នាក់៖ ជាមន្ត្រីក្របខ័ណ្ឌ “ក.១”
២. កម្រិតសញ្ញាបត្រ៖ ចាប់ពីថ្នាក់បរិញ្ញាបត្រឡើងទៅ ដោយមានជំនាញផ្នែករុក្ខកម្ម ឬជំនាញ ចាំបាច់ពាក់ព័ន្ធ
៣. ចំណេះដឹងទូទៅ៖ ចេះភាសាអង់គ្លេស និងអាចប្រើប្រាស់ព័ត៌មានវិទ្យាបាន
៤. មុខតំណែងបច្ចុប្បន្ន៖ ជាប្រធាននាយកដ្ឋាន ឬថ្នាក់ប្រហាក់ប្រហែលឡើងទៅ
៥. ឯកសារពាក់ព័ន្ធ៖ ពាក្យស្នើសុំ ដោយបញ្ជាក់ឱ្យបានច្បាស់លាស់ពីមូលហេតុនៃការស្នើសុំ មុខតំណែងនេះ ព្រមទាំងចក្ខុវិស័យផ្ទាល់ខ្លួនសម្រាប់ដឹកនាំរដ្ឋបាលព្រៃឈើ ប្រវត្តិរូបផ្ទាល់ខ្លួន សញ្ញាបត្រថតចម្លង និងឯកសារពាក់ព័ន្ធផ្សេងទៀត ប្រសិនបើមាន។
ក្រសួងកសិកម្ម រុក្ខាប្រមាញ់ និងនេសាទ សូមលើកទឹកចិត្តដល់មន្ត្រីរាជការទាំងអស់ដែលបំពេញបាននូវ លក្ខខណ្ឌខាងលើ ឱ្យមកដាក់ពាក្យនៅនាយកដ្ឋានបុគ្គលិក និងអភិវឌ្ឍន៍ធនធានមនុស្ស ចាប់ពីពេលនេះតទៅ រហូត ដល់ថ្ងៃទី១១ ខែតុលា ឆ្នាំ២០២៤ ត្រឹមវេលាម៉ោង០៥៖៣០នាទីល្ងាច។ សម្រាប់ព័ត៌មានបន្ថែម សូមទាក់ទងមក នាយកដ្ឋានតាមរយៈលេខទូរស័ព្ទ ៖ ០១២ ៥៣ ៧៣ ៧៣ ក្នុងម៉ោង និងថ្ងៃធ្វើការ៕