រដ្ឋមន្ត្រីក្រសួងសាធារណការ ចុះពិនិត្យទីតាំងស្ថានីយប្រព្រឹត្តកម្មទឹកកខ្វក់អូរឈើទាល ក្នុងក្រុងព្រះសីហនុ

ភ្នំពេញ៖ នាព្រឹកថ្ងៃទី១២ ខែកញ្ញា ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញចុះពិនិត្យទីតាំងស្ថានីយប្រព្រឹត្តកម្មទឹកកខ្វក់អូរឈើទាល ក្នុងក្រុងព្រះសីហនុ ខេត្តព្រះសីហនុ ដែលមានការចូលរួមពី ថ្នាក់ដឹកនាំក្រសួង និងមន្ទីរសាធារណការ និងដឹកជញ្ជូន ខេត្តផងដែរ។

គួរបញ្ជាក់ផងដែរថា ស្ថានីយប្រព្រឹត្តកម្មទឹកកខ្វក់នេះ មានទំហំដី ១៦,២ហ.ត និងមានអាងប្រព្រឹត្តកម្មចំនួន០៨ ដែលមានសមត្ថភាពអាចច្រោះសម្អាតទឹកកខ្វក់បាន ៦ ៩០០ម៣/ថ្ងៃ ព្រមទាំងបណ្តាញលូរបស់ស្ថានីយ មានប្រវែងសរុប ៦៥,៧៣គ.ម ៕