មហាសេដ្ឋី Elon Musk រិះគន់រដ្ឋាភិបាលអូស្ត្រាលីថាជា «ពួកហ្វាស៊ីសនិយម» ជុំវិញសំណើច្បាប់ថ្មី រឹតបន្តឹងលើក្រុមហ៊ុនប្រព័ន្ធផ្សព្វផ្សាយសង្គម
បរទេស៖ មហាសេដ្ឋីបច្ចេកវិទ្យាលោក Elon Musk នៅថ្ងៃសុក្រសប្តាហ៍នេះ បានរិះគន់រដ្ឋាភិបាលអូស្ត្រាលីថាជា «ពួកហ្វាស៊ីសនិយម» ឬ «ប្រើអំណាចផ្តាច់ការ» ជុំវិញសំណើច្បាប់ថ្មីដែលគ្រោងនឹងចេញក្នុងពេលឆាប់ៗខាងមុខ ក្នុងគោលបំណងរឹតបន្តឹងលើក្រុមហ៊ុនប្រព័ន្ធផ្សព្វផ្សាយសង្គមទាំងឡាយណាដែលអនុញ្ញាតឱ្យមានព័ត៌មានមិនពិតតាមអ៊ីនធឺណិត។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី១៣ ខែកញ្ញា ឆ្នាំ២០២៤។
ការរិះគន់នេះ កើតឡើងបន្ទាប់ពីរដ្ឋាភិបាលការងាររបស់អូស្ត្រាលីបានណែនាំច្បាប់ថ្មី ដែលមានគោលបំណងប្រយុទ្ធប្រឆាំងនឹងព័ត៌មានមិនពិត និងព័ត៌មានមិនពិតនៅលើវេទិកាឌីជីថល។ ច្បាប់ដែលបានស្នើឡើងនេះ អាចដាក់ពិន័យរហូតដល់ ៥ភាគរយនៃប្រាក់ចំណូលសករបស់ក្រុមហ៊ុនបណ្តាញផ្សព្វផ្សាយ ប្រសិនបើពួកគេមិនអនុលោមតាមច្បាប់។
+
របាយការណ៍បានបង្ហាញថា លោក Musk បានធ្វើការឆ្លើយតបទៅសារបង្ហោះមួយនៅលើ X ដែលភ្ជាប់ជាមួយនឹងព័ត៌មានរបស់ Reuters ជុំវិញខ្លឹមសារអំពីច្បាប់ព័ត៌មានមិនពិត ជាមួយនឹងពាក្យមួយឃ្លាថា «ជាពួកហ្វាស៊ីសនិយម» ឬ ជាការប្រើអំណាចផ្តាច់ការ។ យ៉ាងណាមិញក្រោយលោក Musk ប្រតិកម្មបែបនេះ ស្រាប់តែមានការរិះគន់ជាច្រើនពីសំណាក់សមាជិកសភាអាមេរិក។
មិនត្រឹមតែប៉ុណ្ណោះ ជំនួយការហិរញ្ញិកលោក Stephen Jones បានធ្វើការច្រានចោលភ្លាមៗថា ការអត្ថាធិប្បាយរបស់ Musk ជា «រឿងអាស្រូវ» និងបានចេញការពារសិទ្ធរបស់រដ្ឋាភិបាលក្នុងការបង្កើតច្បាប់ សម្រាប់សុវត្ថិភាពរបស់ប្រជាជនអូស្រ្តាលី៕
