អភិបាលខេត្តស្ទឹងត្រែង ចុះជួបសំណេះសំណាល និងចែកកង់ និងសម្ភារៈសិក្សា ដល់សិស្សានុសិស្សដែលមានផ្ទះនៅឆ្ងាយពីសាលារៀន ចំនួន ២០០នាក់
ភ្នំពេញ៖ នៅព្រឹកថ្ងៃច័ន្ទ ទី១៦ ខែកញ្ញា ឆ្នាំ២០២៤នេះ ឯកឧត្តម សរ សុពុត្រា អភិបាលខេត្តស្ទឹងត្រែង បានអញ្ជើញចុះជួបសំណេះសំណាលជាមួយលោកគ្រូអ្នកគ្រូ អាណាព្យាបាល សិស្ស និង បានចែកកង់ និងសម្ភារៈសិក្សា ដល់សិស្សានុសិស្សដែលមានផ្ទះនៅឆ្ងាយពីសាលារៀន ចំនួន ២០០នាក់ មកពីស្រុកថាឡាបរិវ៉ាត់ និងស្រុកសៀមបូក ខេត្តស្ទឹងត្រែង។
សិស្សានុសិស្សចំនួន២០០នាក់ ដែលមានផ្ទះឆ្ងាយពីសាលាទទួលបានអំណោយ កង់ ចំនួនម្នាក់១គ្រឿង និងសម្ភារៈសិក្សាមួយចំនួនទៀត។
សិស្សានុសិស្សចំនួន២០០នាក់ នោះរួមមាន៖សិស្សានុសិស្សមកពីសាលាបឋមសិក្សាវាលខ្សាច់ ចំនួន ១០០នាក់, សិស្សានុសិស្សមកពីសាលាបឋមសិក្សាស្ពង់ ចំនួន ៥០នាក់, សិស្សានុសិស្សមកពីសាលាបឋមសិក្សាភ្ជល់ ចំនួន ៥០នាក់៕
