អធិការស្រុកព្រះនេត្រព្រះ ចាត់តាំងកម្លាំងផ្នែកអត្តសញ្ញាណកម្ម ចុះថតផ្ដល់អត្តសញ្ញាណប័ណ្ណជូនពលរដ្ឋក្នុងឃុំទានកាំ
ភ្នំពេញ៖ ដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាននគរបាលខេត្តបន្ទាយមានជ័យ កាលពីថ្ងៃទី១៦ ខែកញ្ញា ឆ្នាំ២០២៤ លោកវរសេនីយ៍ទោ ទេព រដ្ឋា អធិការ នៃអធិការដ្ឋាននគរបាលស្រុកព្រះនេត្រព្រះ បានចាត់តាំងកម្លាំងផ្នែកអត្តសញ្ញាណកម្ម ចុះថតផ្ដល់អត្តសញ្ញាណប័ណ្ណជូនប្រជាពលរដ្ឋក្នុងឃុំទានកាំ ស្រុកព្រះនេត្រព្រះ ខេត្តបន្ទាយមានជ័យ។
លោកវរសេនីយ៍ទោ ទេព រដ្ឋា បានចាត់ទុកការផ្តល់អត្តសញ្ញាណប័ណ្ណសញ្ជាតិ្តខ្មែរពិតជាមានសារសំខាន់ ដែលមិនត្រឹមផ្តល់នូវសិទ្ធិក្នុងនាមជាជនជាតិខ្មែរប៉ុណ្ណោះនោះទេ, ប៉ុន្តែជាឯសារដែលបម្រើឲ្យជីវភាព និងការរស់នៅប្រចាំថ្ងៃ ក្នុងការស្វែងរកការងារផ្សេងៗផងដែរ។
លោកវរសេនីយ៍ទោ បានបន្តថា អត្តសញ្ញាណប័ណ្ណ ជាឯកសារសំខាន់បំផុត ដែលបម្រើឲ្យការបោះឆ្នោតក្នុងសង្គមដែលប្រកាន់យករបរលទ្ធិប្រជាធិបតេយ្យ ដែលធ្វើការបោះឆ្នោតជ្រើសមេដឹកនាំរបស់ខ្លួន ផ្អែកលើមតិភាគច្រើន។
ដើម្បីការផ្តល់ជូនអត្តសញ្ញាណប័ណ្ណ បានលឿនជូនប្រជាពលរដ្ឋ, លោកវរសេនីយ៍ទោ ទេព រដ្ឋា បានណែនាំដល់អាជ្ញាធរឃុំ សង្កាត់ និងមន្រ្តីជំនាញទាំងអស់ ត្រូវធ្វើកិច្ចសហការគ្នាយ៉ាងស្អិតរមួត ទាំងការជូនដំណឹងទៅកាន់ប្រជាពលរដ្ឋ អំពីទីតាំងនៃផ្តល់អត្តសញ្ញាណប័ណ្ណ លើប្រជាពលរដ្ឋមានអាយុ១៥ឡើងទៅ និងប្រជាពលរដ្ឋដែលកាន់អត្តសញ្ញាប័ណ្ណផុតកំណត់ ត្រូវទៅបន្តសុពលភាព ធ្វើអត្តសញ្ញាប័ណ្ណទុតិយតាផងដែរ ៕
