ឯកឧត្តម កែប ជុតិមា និងលោកជំទាវ នាំយកគ្រឿងឧបភោគ បរិភោគ វេរប្រគេនសម្តេចព្រះវ័នរ័ត កិត្តិបណ្ឌិត ណយ ច្រឹក
ភ្នំពេញ៖ នៅព្រឹកថ្ងៃទី១៨ ខែកញ្ញា ឆ្នាំ២០២៤ ឯកឧត្តម កែប ជុតិមា ប្រធានគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែន នៃរដ្ឋសភា និងលោកជំទាវធម្មសទ្ធាភិសិរីចរិយានី អគ្គមហាឧបាសិកាពុទ្ធសាសនូបត្ថម្ភក៍ ជុំ សាមីន ព្រមទាំងក្រុមគ្រួសារ បាននាំយកនូវទេយ្យទានគ្រឿងឧបភោគបរិភោគ ព្រមទាំងបច្ច័យមួយចំនួន ចូលរួមក្នុងពិធីបុណ្យកាន់បិណ្ឌទី១ ភ្ជុំបិណ្ឌ សម្រាប់វេរប្រគេន សម្តេចព្រះវ័នរ័ត កិត្តិបណ្ឌិត ណយ ច្រឹក សម្តេចព្រះសង្ឃនាយករងទី២ នៃព្រះរាជាណាចក្រកម្ពុជា និងជាព្រះចៅអធិការវត្តច័ន្ទបុរីវង្ស (ហៅវត្តសំរោងខាងជើង) ស្ថិតនៅក្នុងសង្កាត់សំរោង ខណ្ឌព្រែកព្នៅ រាជធានីភ្នំពេញ ដើម្បីឧទ្ទិសដល់ដួងវិញ្ញាណក្ខន្ធ បុព្វការីជន មានមាតាបិតា ញាតិការទាំង៧សន្តាន ដែលធ្វើមរណកាលទៅកាន់បរលោក សូមវិញ្ញាណក្ខន្ធ អស់លោកទាំងនោះ ទៅកាន់ទីឋានសុគតិភព កុំបីឃ្លៀងឃ្លាតឡើយ៕
