ប្រជាពលរដ្ឋរងគ្រោះដោយទឹកជំនន់ចំនួន ៤២គ្រួសារ បានទទួលអំណោយមនុស្សធម៌ពី សាខាកាកបាទក្រហមកម្ពុជា ខេត្តក្រចេះ

ភ្នំពេញ៖ នៅព្រឹកថ្ងៃសៅរ៍ ទី២១ ខែកញ្ញា ឆ្នាំ២០២៤ ឯកឧត្តម វ៉ា ថន ប្រធានគណៈកម្មាធិការ សាខាកាកបាទក្រហមកម្ពុជា ខេត្តក្រចេះ និងសហការី បាននាំយកអំណោយមនុស្សធម៌ ចែកជូនដល់គ្រួសារបងប្អូនប្រជាពលរដ្ឋរងគ្រោះទឹកជំនន់ចំនួន ៤២គ្រួសារ ក្នុងនោះមកពីសង្កាត់អូរឬស្សី ៣គ្រួសារ និងសង្កាត់ក្រចេះ ៣៩គ្រួសារ ក្នុងក្រុងក្រចេះ ខេត្តក្រចេះ។

ក្នុងឱកាសនោះ ឯកឧត្តម បាននាំមកនូវប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់បងប្អូនប្រជាពលរដ្ឋ ដែលជានិច្ចកាលសម្ដេច តែងតែគិតគូរពីសុខទុក្ខ និងជំរុញឱ្យមានការដោះស្រាយបញ្ហានានារបស់បងប្អូនប្រជាពលរដ្ឋគ្រប់ពេលវេលា និងគ្រប់ទីកន្លែង។

ទន្ទឹមនឹងនោះ ឯកឧត្តម ក៏បានផ្តាំផ្ញើដល់បងប្អូនប្រជាពលរដ្ឋទាំងអស់ ត្រូវមានការយកចិត្តទុកដាក់អំពីបញ្ហាសុខភាពឱ្យបានជាប់ប្រចាំ ត្រូវគេងក្នុងមុង ហូបទឹកស្អាតរឺដាំពុះ និងចំណីអាហារដែលមានអនាម័យល្អ។

អំណោយដែលបានផ្តល់ជូនក្នុង១គ្រួសារទទួលបាន៖ អង្ករ២៥គីឡូក្រាម, មុង១, មី១កេស, ត្រីខ១០កំប៉ុង, ថវិកា ៥០.០០០រៀល និងកៅស៊ូតង់មួយចំនួន៕