មន្រ្តីជំនាញសាខា ក.ប.ប. ខេត្តព្រៃវែង ចុះពិនិត្យសុវត្ថិភាពម្ហូបអាហារ បានចំនួន ៩ទីតាំង នៅផ្សារព្រែកសណ្តែក ស្រុកស៊ីធរកណ្តាល
ភ្នំពេញ៖ កាលពីថ្ងៃទី១៩ ខែកញ្ញា ឆ្នាំ២០២៤ មន្រ្តីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ខេត្តព្រៃវែង សហការជាមួយមន្ទីរពាណិជ្ជកម្មខេត្ត និងអាជ្ញាធរដែនដី បានចុះពិនិត្យសុវត្ថិភាពម្ហូបអាហារ បានចំនួន ៩ទីតាំង នៅផ្សារព្រែកសណ្តែក ស្រុកស៊ីធរកណ្តាល ខេត្តព្រៃវែង។
ក្នុងឱកាសនោះ មន្រ្តីជំនាញ បានរកឃើញទំនិញមិនអនុលោមភាព ពោលគឺខូចគុណភាព និងផុតកំណត់រយៈពេលប្រើប្រាស់សរុបចំនួន ៣៣.៨គីឡូក្រាម រួមមាន៖ នំបុ័ងទឹកដោះគោ នំបំពង ទឹកក្រូច ទឹកដោះគោក្មេង មីដុំ និងនំស្រួយ ជាដើម។
ជាមួយគ្នានេះ មន្រ្តីជំនាញបានបិទ និងចែកផ្ទាំងរូបភាពផ្សព្វផ្សាយពីសុវត្ថិភាពម្ហូបអាហារ ចំនួន ៥០ សន្លឹក ព្រមទាំងបានពន្យល់ណែនាំអំពីច្បាប់ និងបទប្បញ្ញត្តិពាក់ពន្ធ័នានា ដល់អាជីវករបន្ថែមទៀតផងដែរ៕
