កសិដ្ឋានចិញ្ចឹមក្រពើមួយកន្លែងនៅថៃ សម្រេចកម្ទេចសត្វក្រពើទាំងអស់របស់ខ្លួន ដោយសារបារម្ភពីទឹកជំនន់ ហើយខ្លាចក្រពើរួចពីទ្រុង ដែលបង្កគ្រោះថ្នាក់ដល់មនុស្ស
បាងកក៖ កសិដ្ឋានចិញ្ចឹមក្រពើមួយកន្លែងក្នុងខេត្ត Lamphun ប្រទេសថៃ សម្រេចចិត្តកម្ទេចសត្វក្រពើទាំងអស់របស់ខ្លួន ដោយសារក្តីបារម្ភពីទឹកជំនន់ ដែលអាចប្រឈមនឹងការលិចលង់ ហើយភ័យខ្លាចថា ក្រពើទាំងនោះអាចរួចពីទ្រុង ដែលអាចនឹងបង្កគ្រោះថ្នាក់ដល់មនុស្ស។
ការប្រកាសនេះធ្វើឡើងដោយម្ចាស់កសិដ្ឋានចិញ្ចឹមក្រពើតាមរយៈការបង្ហោះតាម Fb ដែលមានគណនីឈ្មោះ Natthapak Khumkad ដោយបានរៀបរាប់ទាំងសោកស្តាយថា «នេះគឺជាការសម្រេចចិត្តដ៏លំបាកបំផុតដែលគាត់ត្រូវធ្វើក្នុងរយៈពេល ១៧ឆ្នាំ»។
