ឧត្តមសេនីយ៍ទោ សោម ស៊ុន ដឹកនាំសហការី ទៅស្វែងយល់ពីសុខទុក្ខ និងជីវភាពរស់នៅរបស់បងប្អូនអតីតយុទ្ធជន នៅលើដីសម្បទានសង្គមកិច្ច
ភ្នំពេញ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធានសមាគមអតីតយុទ្ធជនកម្ពុជាខេត្តកំពង់ធំ នៅថ្ងៃទី២៤ ខែកញ្ញា ឆ្នាំ ២០២៤ បានដឹកនាំសហការី នៃក្រុមការងារសមាគមអតីតយុទ្ធជន ទៅស្វែងយល់ពីសុខទុក្ខ និងជីវភាពរស់នៅរបស់អតីតយុទ្ធជននៅតាមខ្នងផ្ទះនីមួយៗ នៅលើដីសម្បទានសង្គមកិច្ច ស្ថិតនៅឃុំក្រយា ស្រុកសន្ទុក ខេត្តកំពង់ធំ ដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិត នៅក្នុងឱកាសបុណ្យកាន់បិណ្ឌ និងភ្ជុំបិណ្ឌ ។
ឧត្តមសេនីយ៍ទោ សោម ស៊ុន បានថ្លៃងនូវការកោតសរសើរចំពោះក្រុមគ្រួសារអតីតយុទ្ធជនទាំងចំនួន១៤១គ្រួសារ ដែលបានមករស់នៅលើដីសម្បទានសង្គមកិច្ច ដោយក្នុងមួយគ្រួសារទទួលបានផ្ទៃដីមួយហិកតាកន្លះ និងផ្ទះថ្មីចំនួន ១ខ្នង ដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត មានរយៈពេលជាង៣ឆ្នាំ កន្លងមកហើយ។ ហើយបងប្អូនបានខិតខំបង្កបង្កើតផល ដាំដំណាំ ចិញ្ចឹមសត្វ ដោះស្រាយជីវភាពគ្រួសារបានយ៉ាងល្អប្រសើរ គួបផ្សំនឹងប្រាក់បៀវត្ស ដែលរាជរដ្ឋាភិបាល បានផ្ដល់ជូនគាត់ផងដែរ ។
នៅក្នុងឱកាសនេះផងដែរ ឧត្ដមសេនីយ៍ទោសោម ស៊ុន ក៍បានជម្រាបជូនក្រុមគ្រួសារអតីតយុទ្ធជននៅតាមខ្នងផ្ទះនីមួយៗអំពីការសម្រេចចិត្តរបស់សម្តេចតេជោហ៊ុន សែន និងសម្តេចធិបតីហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការបញ្ចប់ការចូលរួមក្នុងកិច្ចសហប្រតិបត្តិការអភិវឌ្ឍន៍តំបន់ត្រីកោណកម្ពុជា ឡាវ វៀតណាម (CLV-DTA) ចាប់ពីថ្ងៃទី២០ ខែកញ្ញាឆ្នាំ២០២៤កន្លងទៅនេះ ដេីម្បីដកអាវុធពីក្រុមប្រឆាំងជ្រុលនិយម កុំឲ្យមានលេសក្នុងការវាយប្រហារមកលីរាជរដ្ឋាភិបាលយេីង ។
ក្រុមគ្រួសារអតីតយុទ្ធជននៅតាមខ្នងផ្ទះនីមួយៗ បានសូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ព្រមទាំងសម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែលតែងតែយកចិត្តទុកដាក់គ្រប់បែបយ៉ាងពីសុខទុក្ខ និងជីវភាពរស់នៅរបស់ក្រុមគ្រួសារអតីតយុទ្ធជនជាបន្តបន្ទាប់តែងតែបានជួយដោះស្រាយនូវស្បៀងអាហារគ្រឿង ឧបភោគបរិភោគឧបត្ថម្ភជូនក្រុមគ្រួសារអតីតយុទ្ធជន ក្នុងរយៈពេលជាង៣ឆ្នាំ នៅលើដីសម្បទានសង្គមកិច្ចកន្លងទៅនេះ ហើយបងប្អូនអតីតយុទ្ធជន បានសូមប្រកាសគាំទ្រយ៉ាងពេញទំហឹងនូវការ សម្រេចចិត្តដ៏ត្រឹមត្រូវរបស់សម្ដេចតេជោ ហ៊ុន សែន និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា ក្នុងការបញ្ចប់ការចូលរួមក្នុងកិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV -DTA) ដើម្បីដកហូតអាវុធនយោបាយពីក្រុមប្រឆាំងជ្រុលនិយម ក្នុងការវាយប្រហារមកលើរាជរដ្ឋាភិបាល ៕
