ឯកឧត្តម ប៉ោ ភក្តិ ដឹកនាំកិច្ចប្រជុំប្រមូលធាតុចូល លើសេចក្ដីព្រាងផែនការយុទ្ធសាស្ត្រសម្រាប់ចក្ខុវិស័យអាស៊ាន ឆ្នាំ២០៤៥

ភ្នំពេញ៖ នៅទីស្តីការក្រសួងមហាផ្ទៃ នៅរសៀលថ្ងៃទី២៥ ខែកញ្ញា ឆ្នាំ២០២៤ ឯកឧត្តម នាយឧត្តមសេនីយ៍ ប៉ោ ភក្តិ រដ្ឋលេខាធិការក្រសួងមហាផ្ទៃ បានអញ្ជើញដឹកនាំកិច្ចប្រជុំពិនិត្យ និងប្រមូលធាតុចូល លើសេចក្ដីព្រាងផែនការយុទ្ធសាស្ត្រសម្រាប់ចក្ខុវិស័យអាស៊ាន ឆ្នាំ២០៤៥ ក្រោមសសរស្ដម្ភសហគមន៍នយោបាយ-សន្តិសុខអាស៊ាន និងសេចក្តីព្រាងអនុសញ្ញាអង្គការសហប្រជាជាតិ ស្តីពីការប្រឆាំងបទល្មើសបច្ចេកវិទ្យាព័ត៌មាន។

គណៈកម្មាធិការចំពោះកិច្ចទទួលបន្ទុកលើអនុសញ្ញាអន្តរជាតិគ្រប់គ្រងស្តីពី ការប្រឆាំងការប្រើប្រាស់ព័ត៌មាន (ICT) សម្រាប់គោលបំណងឧក្រិដ្ឋកម្មបានជួបជុំពិភាក្សា និងឯកភាពគ្នា លើសេចក្តីព្រាងឯកសារ ចំនួន៣ រួមមាន៖

ទី១. អនុសញ្ញាអង្គការសហប្រជាជាតិ ប្រឆាំងបទល្មើសបច្ចេកវិទ្យាព័ត៌មាន៖ ការពង្រឹងកិច្ចសហប្រតិបត្តិការអន្តរជាតិ ដើម្បីប្រឆាំងនឹងការប្រព្រឹត្តបទឧក្រិដ្ឋតាមមធ្យោបាយ Internet of Things ( IOT) និងការចែករំលែកភស្តុតាងអេឡិចត្រូនិចសម្រាប់ឧក្រិដ្ឋកម្មធ្ងន់ធ្ងរ (A/AC.291/27/L.15)។

ទី២. សេចក្តីកំណត់ជំពូកមួយចំនួន នៃសេចក្តីព្រាងអនុសញ្ញា (A/AC/291/27/Rev.1)

ទី៣. សេចក្តីព្រាងសម្រេចចិត្តសម្រាប់មហាសន្និបាតអង្គការសហប្រជាជាតិ (A/AC.291/L.16) ដោយមានការអញ្ជើញចូលរួមពីតំណាងថ្នាក់ដឹកនាំមកពី នាយកដ្ឋាន នៃអគ្គស្នងការដ្ឋាននគរបាលជាតិ និងក្រុមការងារ SOMTC-កម្ពុជា៕