រដ្ឋមន្រ្តីក្រសួងធម្មការ អញ្ជើញសំណះសំណាលជាមួយនិវត្តន៍ជន មន្ត្រីជាប់កិច្ចសន្យា មន្ត្រីសន្តិសុខ និងអ្នកបោសសម្អាត នៅក្នុងរដូវកាន់បិណ្ឌនៃពិធីបុណ្យភ្ជុំបិណ្ឌ
ភ្នំពេញ៖ នារសៀលថ្ងៃទី២៦ ខែកញ្ញា ឆ្នាំ២០២៤ ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា បានអញ្ជើញជាអធិបតីពិធីសំណេះសំណាល ជាមួយនិវត្តន៍ជន មន្ត្រីជាប់កិច្ចសន្យា មន្ត្រីសន្តិសុខ និងអ្នកបោសសម្អាត នៅក្នុងរដូវកាន់បិណ្ឌនៃពិធីបុណ្យភ្ជុំបិណ្ឌ នៅទីស្តីការល្រសួង។
នៅក្នុងឱកាសនោះឯកឧត្តមរដ្ឋមន្រ្តីបានបញ្ជាក់ថា ដើម្បីជាការតបស្នង ចំពោះមន្ត្រីដែលបានលះបង់កម្លាំងកាយ កម្លាំងចិត្តក្នុងបុព្វហេតុវិស័យសាសនានៅកម្ពុជា បន្ថែមលើគោលនយោបាយរបស់រាជរដ្ឋាភិបាលកម្ពុជា ឯកឧត្តមរដ្ឋមន្ត្រីបានលើកឡើងថាក្រសួងធម្មការនិងសាសនា បានគិតគូរពីសុខទុក្ខនិងជីវភាពរបស់មន្ត្រីដោយខិតខំប្រឹងប្រែងដោះស្រាយតាមលទ្ធភាព និងបានកៀរគរការគាំទ្របន្ថែមពីវិស័យឯកជនដើម្បីជួយសម្រាលបន្ទុករបស់មន្ត្រីដែលខ្វះខាតជាបន្តទៀត៕
