អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ រៀបចំពិធីសូត្រមន្តរាប់បាត្រ បង្សុកូល ឧទ្ទិសកុសលជូនចំពោះដួងវិញ្ញាណក្ខន្ធ នាយ-នាយរង និងពលនគរបាលជាតិ ដែលបានពលីមរណៈក្នុងបុព្វហេតុជាតិមាតុភូមិកម្ពុជា
ភ្នំពេញ៖ នៅព្រឹកថ្ងៃទី២៧ ខែកញ្ញា ឆ្នាំ២០២៤នេះ ឧត្តមសេនីយ៍ទោ ង៉ែត សុខគីម ប្រធាននាយកដ្ឋានផ្សព្វផ្សាយអប់រំ តំណាងឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញចូលរួមជាអធិបតីក្នុងពិធីសូត្រមន្តរាប់បាត្រ បង្សុកូល ឧទ្ទិសកុសលជូនចំពោះដួងវិញ្ញាណក្ខន្ធ នាយ-នាយរង និងពលនគរបាលជាតិ ដែលបានពលីមរណៈក្នុងបុព្វហេតុជាតិ មាតុភូមិកម្ពុជា នាឱកាសបុណ្យភ្ជុំបិណ្ឌប្រពៃណីជាតិ ដោយមានការអញ្ជើញចូលរួមពីថ្នាក់ដឹកនាំនាយកដ្ឋាន និងមន្ត្រីក្រោមឱវាទ នៃនាយកដ្ឋានផ្សព្វផ្សាយអប់រំទាំងអស់។
សូមបញ្ជាក់ថា កម្មវិធីសូត្រមន្តរាប់បាត្រ បង្សុកូល ឧទ្ទិសកុសលជូនចំពោះដួងវិញ្ញាណក្ខន្ធ នាយ-នាយរង និងពលនគរបាលជាតិ ដែលបានពលីមរណៈក្នុងបុព្វហេតុជាតិមាតុភូមិ នេះ គឺធ្វើឡើងនៅ “បូជនីយដ្ឋាន គោកឃ្លៀង” ស្ថិតនៅក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ៕
