សម្តេចធិបតី និងលោកជំទាវបណ្ឌិត ចាត់ក្រុមគ្រូពេទ្យ ជួយព្យាបាល ប្អូនប្រុស កែម រដ្ឋា និង កែម សម្បត្តិ ដែលមានបញ្ហាស្បែករ៉ាំរ៉ៃ

ភ្នំពេញ៖ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានចាត់ក្រុមគ្រូពេទ្យសម្តេច ជួយព្យាបាល ប្អូនប្រុស កែម រដ្ឋា អាយុ ២៦ ឆ្នាំ និង កែម សម្បត្តិ អាយុ ២០ ឆ្នាំ ដែលមានបញ្ហាស្បែករ៉ាំរ៉ៃ (Haim–Munk syndrome) ជាបងប្អូននឹងគ្នា មកពីខេត្តកំពត។

ដោយក្តីមេត្តាករុណាដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានអនុញ្ញាតអោយក្រុមការងារគ្រូពេទ្យ ស្ម័គ្រចិត្តរបស់សម្តេចមហាបវរធិបតី ហ៊ុន ម៉ាណែត ព្រមទាំងលោកជំទាវបណ្ឌិត ពេជ ចន្ទមុន្នី ក្នុងនាមសមាគមគ្រូពេទ្យស្ម័គ្រចិត្តយុវជនសម្តេចតេជោ TYDA ជួយព្យាបាល ប្អូនប្រុសទាំង ២នាក់។

អ្នកទាំងពីរ បានមកតាមដាន និងព្យាបាល ជាប់ជាប្រចាំចំពោះអាការៈលើស្បែកដែលកើតលេីបាតដៃបាតជេីង និងលេីខ្លួនប្រាណ ឃើញថាបានធូរស្រាលគួរអោយកត់សម្គាល់។

រាល់ការចំណាយទាំងអស់ ទាំងក្នុងការព្យាបាល ត្រូវបានទំនុកបម្រុងដោយ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី៕