យុវតីម្នាក់មានដុំសាច់ក្នុងមាត់ខាងឆ្វេង រយៈពេល៣ឆ្នាំ ទទួលបានការវះកត់ដោយជោគជ័យ ក្រោមការឧបត្ថម្ភពីសម្ដេចធិបតី និងលោកជំទាវ

ភ្នំពេញ៖ ប្អូនស្រី សុខ រ៉ានី អាយុ ២២ឆ្នាំ រស់នៅ ភូមិ៤ សង្កាត់ទំនប់ទឹក ខណ្ឌចំការមន រាជធានីភ្នំពេញ មានដុំសាច់នៅក្នុងមាត់ខាងឆ្វេងរបស់គាត់រយះពេល៣ឆ្នាំកន្លងមកហើយ បច្ចុប្បន្នត្រូវបានក្រុមគ្រូពេទ្យ(TYDA) បញ្ជូនប្អូនស្រីមកទទួលការព្យាបាលនៅផ្នែក វះកាត់ មុខ មាត់ ឆ្អឹងថ្គាម និងជំងឺមាត់ធ្មេញ នៃមន្ទីពេទ្យមិត្តភាពខ្មែរ សូរៀត
បានរកឃើញថា ប្អូនស្រី នេះមានដុំសាច់លើឆ្អឹងថ្គាមខាងឆ្វេង (Tumor on the mandible (Left)។

បន្ទាប់ពីទទួលបានការវះកាត់ យ៉ាងយកចិត្តទុកដាក់និងទទួលជោគជ័យ ពីថ្ងៃទី៣១ ខែ កក្កដា ឆ្នាំ ២០២៣ ពេលនេះប្អូនស្រី បានជាសះស្បើយ និងបានអនុញ្ញាតអោយចេញទៅផ្ទះ ហើយដែលរាល់ការចំណាយទាំងអស់ក្នុងការព្យាបាល វះកាត់ និងការស្នាក់នៅព្រមទាំងថ្លៃអាហារ ត្រូវបានជួយឧបត្ថម្ភដោយ សម្ដេចមហាបវរធិបតី ហ៊ុន ម៉ាណែត និងលោកជំទាវ ពេជ ចន្ទមុន្នី ។

សូមបញ្ជាក់ថា ប្អូនស្រី មកតាមរយៈសមាគម TYDA កាលពីថ្ងៃទី១៧ ខែមិថុនា ឆ្នាំ២០២៣ នៅក្នុងវិទ្យាល័យបឹងត្របែក ខណ្ឌចំការមន រាជធានីភ្នំពេញ។