សម្តេច ម៉ែន សំអន អញ្ជើញសួរសុខទុក្ខ ឯកឧត្តម អ៊ុយ ថន

ភ្នំពេញ៖ សម្តេចកិត្តិសង្គហបណ្ឌិត ម៉ែន សំអន អ្នកតំណាងរាស្ត្រមណ្ឌលស្វាយរៀងបានអញ្ជើញ សួរសុខទុក្ខ ឯកឧត្តម អ៊ុយ ថន ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត នាថ្ងៃទី៩ ខែតុលា ឆ្នាំ២០២៤។

ឆ្លៀតក្នុងឱកាសនេះ សម្តេចកិត្តិសង្គហបណ្ឌិត ក៏បានថ្លែងអំណរគុណដល់ក្រុមគ្រូពេទ្យឯកទេស ដែលបានយកចិត្តទុកដាក់ខ្ពស់ក្នុងការវះកាត់ដុំសាច់នៅក្នុងខួរឆ្អឹងខ្នងជូន ឯកឧត្តម អ៊ុយ ថន ដោយទទួលបានជោគជ័យ និងបានជូនពរឲ្យ ឯកឧត្តម បានឆាប់ជាសះ ស្បើយនិងវិលត្រលប់ចូលបម្រើការងារជាធម្មតាវិញ​ ៕