សមត្ថកិច្ចឃាត់ខ្លួនជនសង្ស័យម្នាក់ ដែលជាមុខសញ្ញាទើបចេញពីពន្ធនាគារបាន ៥ខែ ពាក់ព័ន្ធករណីគ្រឿងញៀន
ភ្នំពេញ៖ នៅថ្ងៃទី០៧ ខែតុលា ឆ្នាំ២០២៤ វេលាម៉ោង ២០:៤៥នាទី កម្លាំងប៉ុស្តិ៍នគរបាលរដ្ឋបាលបន្ទាយដី សហការជាមួយកម្លាំង ប្រជាការពារ បានចុះល្បាតតាមភូមិសាស្ត្រសំខាន់ៗ លុះដល់ចំណុចទំនប់ក្បាលហុង ស្ថិតនៅភូមិ ក្បាលហុង សង្កាត់បន្ទាយដី ក្រុងពោធិ៍សាត់ ស្រាប់តែឃើញជនសង្ស័យចំនួន១នាក់ ដែលជាមុខសញ្ញាទើបចេញពីពន្ធនាគាររយៈពេល ៥ខែ ពាក់ពន្ធ័នឹងករណីគ្រឿងញៀនជាប់ពីបទ ចាត់ចែង និងប្រើប្រាស់ដោយខុសច្បាប់នូវសារធាតុញៀន កំពុងអង្គុយលើម៉ូតូ សមត្ថកិច្ចយើង បានឃាត់ខ្លួនដើម្បីសួរនាំ និងឆែកឆេរ នៅក្បែរនោះសមត្ថកិច្ចបានរកឃើញកាបូបខ្មៅនៅប្រហែល ៥ម៉ែត្រ ពីជនសង្ស័យ ក្នុងកាបូបចំនួន ០១ដែលមានថ្នាំញៀននៅក្នុងនោះ ក្រោយមកកម្លាំងប៉ុស្តិ៍នគរបាលរដ្ឋបាលបន្ទាយដីក៏បានហៅកម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងពោធិ៍សាត់ទៅកន្លែងកើតហេតុ។
ជនសង្ស័យដែលបានឃាត់ខ្លួន
១-ជនសង្ស័យឈ្មោះ ឈុន វុទ្ធី ភេទប្រុស អាយុ ៣៧ឆ្នាំ រស់នៅភូមិអូរជ្រៅ សង្កាត់រលាប ក្រុងពោធិ៍សាត់ ខេត្តពោធិ៍សាត់ ។
ដកហូតវត្ថុតាងរួមមាន
១-ម៉ូតូម៉ាកស្កុបពី ០១គ្រឿងពណ៌សលាយខៀវ
២-កាបូបខ្មៅនៅប្រហែល ៥ម៉ែត្រពីជនសង្ស័យ
៣-ម្សៅក្រាមសថ្លាសង្ស័យជាសារធាតុញៀនចំនួន ០៤កញ្ចប់
៤-ដែកកេះចំនួន ០១
៥-អំពូលសម្រាប់ជក់គ្រឿង ញៀន ០១
៦-ទូរស័ព្ទចំនួន ០១គ្រឿង ម៉ាក Vivo ពណ៌ខៀវ ។
បច្ចុប្បន្នជនសង្ស័យរួមជាមួយវត្ថុតាង សមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងពោធិ៍សាត់ ដើម្បីចាត់ការនិតិវិធី៕
