ប្រធានាធិបតីតៃវ៉ាន់ លោក ឡៃ ឈីងតេ ប្តេជ្ញាថានឹងទប់ទល់នឹងការបញ្ចូលកោះ
តៃប៉ិ៖ ប្រធានាធិបតីតៃវ៉ាន់ លោក ឡៃ ឈីងតេ បានប្តេជ្ញានៅថ្ងៃព្រហស្បតិ៍ ទី១០ ខែតុលាថានឹងទប់ទល់នឹងការបញ្ចូល ខណៈដែលចិនដាក់សម្ពាធផ្នែកយោធា និងនយោបាយកាន់តែខ្លាំងឡើងលើកោះដែលគ្រប់គ្រងដោយខ្លួនឯង ដែលខ្លួនអះអាងថាជាផ្នែកនៃទឹកដីរបស់ខ្លួន។
ចិនមិនបានច្រានចោលការប្រើកម្លាំងដើម្បីយកកោះប្រជាធិបតេយ្យមកក្រោមការគ្រប់គ្រងរបស់ខ្លួន ដែលលោក ឡៃ ឈីងតេ និងរដ្ឋាភិបាលរបស់លោកប្រឆាំងនោះទេ។
«ខ្ញុំក៏នឹងរក្សាការប្តេជ្ញាចិត្តក្នុងការទប់ទល់នឹងការបញ្ចូល ឬការឈ្លានពានមកលើអធិបតេយ្យភាពរបស់យើង» នេះបើតាមលោក ឡៃ ឈីងតេ បានបញ្ជាក់ក្នុងអំឡុងពេលប្រារព្ធទិវាជាតិរបស់តៃវ៉ាន់។
លោក ឡៃ ឈីងតេ បបានបន្តថា ទីក្រុងប៉េកាំង និងតៃប៉ិ មិនចុះក្រោមឲ្យគ្នាទៅវិញទៅមក ហើយចិនក៏គ្មានសិទ្ធិតំណាងឲ្យតៃវ៉ាន់ដែរ។
ទីក្រុងប៉េកាំងបានបង្កើនសម្ពាធលើកោះតៃវ៉ាន់ឱ្យទទួលយកការទាមទារទឹកដីរបស់ខ្លួន ហើយទំនាក់ទំនងនៅតែតានតឹងនៅក្រោមលោក ឡៃ ឈីងតេ ដែលបានចូលកាន់តំណែងកាលពីខែឧសភា។
លោក ឡៃ ឈីងតេ បបានបញ្ជាក់ច្រើនជាងអ្នកកាន់តំណែងមុនរបស់លោកស្រី Tsai Ing-wen ក្នុងការការពារអធិបតេយ្យភាពរបស់កោះតៃវ៉ាន់ ដោយបានធ្វើឱ្យទីក្រុងប៉េកាំងខឹងសម្បារដែលហៅលោកថាជាអ្នកបំបែកខ្លួន។
