ឆ្នាំនេះ ខេត្តបន្ទាយមានជ័យនឹងមានការរៀបចំការប្រណាំងទូកយ៉ាងអធិកអធម និងមានទូកចូលរួមច្រើនជាងបណ្ដាឆ្នាំមុនៗ
ភ្នំពេញ៖ នៅព្រឹកថ្ងៃទី១២ ខែតុលា ឆ្នាំ២០២៤ ឯកឧត្ដម អ៊ុំ រាត្រី អភិបាល នៃគណៈ អភិបាលខេត្តបន្ទាយមានជ័យ បានដឹកនាំកិច្ចប្រជុំ គណៈកម្មការរៀបចំការប្រណាំងទូក បណ្តែតប្រទីប និង សំពះព្រះខែ អកអំបុក និងស្តង់ពិព័រណ៍ទូទៅ ភូមិ១ ផលិតផល១ ក្នុងឱកាសអបអរសាទរ ព្រះរាជពិធីបុណ្យអំទូក បណ្តែតប្រទីប និង សំពះព្រះខែ អកអំបុកឆ្នាំ២០២៤ ដែលរដ្ឋបាលខេត្តនឹងរៀបចំការប្រណាំងទូក ង នៅដងស្ទឹងសិរីសោភ័ណ នាថ្ងៃទី២៦-២៧ ខែតុលា នាពេលខាងមុខនេះ។
សូមបញ្ជាក់ថា នៅឆ្នាំ២០២៤នេះ រដ្ឋបាលខេត្តនឹងមានការរៀបចំការប្រណាំងទូកយ៉ាងអធិកអធម និងមានទូកចូលរួមច្រើនជាងបណ្ដាឆ្នាំមុនៗ។ នឹងការបណ្តែតប្រទីប មន្ទីរ អង្គភាព នៅដងស្ទឹងសិរីសោភ័ណ (ស្ទឹងព្រះពន្លា) ជាមួយការរៀបចំតាំងពិព័រណ៍ភូមិមួយផលិតផលមួយនៅសួន តេជោ ឈ្នះ ឈ្នះ (អតីតវេទិកាខេត្ត) អមជាមួយការប្រគុំតន្ត្រីផងដែរ៕
