ឯកឧត្ដម យក់ ប៊ុនណា ដឹកនាំកិច្ចប្រជុំ ពិនិត្យលើសេចក្តីព្រាងអនុក្រឹត្យស្តីពីការរៀបចំនិងការប្រព្រឹត្តទៅរបស់ក្រសួងអធិការកិច្ច

ភ្នំពេញ៖ នារសៀលថ្ងៃទី១១ ខែតុលា ឆ្នាំ២០២៤ ឯកឧត្ដម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ បានដឹកនាំកិច្ចប្រជុំ ពិនិត្យលើសេចក្តីព្រាងអនុក្រឹត្យស្តីពីការរៀបចំនិងការប្រព្រឹត្តទៅរបស់ក្រសួងអធិការកិច្ច។

កិច្ចប្រជុំនេះបានប្រព្រឹកទៅនៅទីស្តីការក្រសួងមុខងារសាធារណៈ ដោយមានការអញ្ជើញចូលរួមពី ឯកឧត្ដម លោកជំទាវ លោក លោកស្រី ថ្នាក់ដឹកនាំមន្រ្តីរាជការ តំណាងទីស្តីការគណៈរដ្ឋមន្ត្រី តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងអធិការកិច្ច តំណាងក្រសួងយុត្ដិធម៌ ព្រមទាំងថ្នាក់ដឹកនាំនិងក្រុមការងារជំនាញក្រសួងមុខងារសាធារណៈជាច្រើនរូប។

អង្គប្រជុំបានពិនិត្យពិភាក្សាទៅលើចំណុចសំខាន់ៗដែលមានចែងនៅក្នុងសេចក្តីព្រាងអនុក្រឹត្យនេះទៅលើចំណុចរួមមាន៖ ១).ពិនិត្យទៅលើខ្លឹមសារចំណងជើងនៃអនុក្រឹត្យ, ២).កែសម្រួលមូលបទមួយចំនួន, ៣).កែសម្រួលខ្លឹមសាររួមទៅតាមចំណុចនីមួយៗដែលមាននៅក្នុងសេចក្តីព្រាងអនុក្រឹត្យ និង៤).ផ្សេងៗ។

ជាចុងក្រោយបន្ទាប់ពីកិច្ចពិភាក្សាផ្តល់មតិយោបល់យ៉ាងលម្អិតអង្គប្រជុំបានសម្រេចនូវលទ្ធផលជារួមក្រសួងមុខងារសាធារណៈធ្វើរបាយការណ៍បញ្ជូនបន្តទៅគ្រប់ក្រសួង ស្ថាប័នដែលពាក់ព័ន្ធ និងស្នើសុំឱ្យទីស្តីការគណៈរដ្ឋមន្រ្តីបន្តរៀបចំនីតិវិធីក្នុងការបន្តកិច្ចប្រជុំនេះនិងពិនិត្យសម្រេច រួចធ្វើរបាយការណ៍ជូនប្រមុខរាជរដ្ឋាភិបាល ៕