អនុសាខាកាកបាទក្រហមកម្ពុជាក្រុងស្វាយរៀង បានទទួលបច្ច័យ ទេ្យយទាន ជាគ្រឿងឧបភោគ បរិភោគ និងរបស់ប្រើប្រាស់ពីព្រះសង្ឃទាំង ១៥ វត្ត ក្នុងក្រុង
ភ្នំពេញ៖ ដើម្បីជួយសម្រាលការលំបាក របស់ប្រជាពលរដ្ឋដែលរងគ្រោះ ដោយសារគ្រោះមហន្តរាយបង្ករ ដោយគ្រោះធម្មជាតិផ្សេងៗ នារសៀលថ្ងៃ សៅរ៍ ទី ១២ ខែ តុលា ឆ្នាំ ២០២៤ លោកស្រី រាជ ស៊ាន អនុប្រធានកិត្តិយសអនុសាខាកាកបាទក្រហមកម្ពុជាក្រុងស្វាយរៀង លោក ជួន ចាន់ឫទ្ធី ប្រធានគណៈកម្មាធិការអនុសាខាក្រុង និងសហការី បានទទួលបច្ច័យ ទេ្យយទាន ជាគ្រឿងឧបភោគ បរិភោគ និងរបស់ប្រើប្រាស់ ពីព្រះយុត្តាកិរ័ត្ន រឹក សាបូ ព្រះរាជាថ្នាក់កិត្តិយស និងជាព្រះធ្មបាលវង្សា ព្រះអនុគណក្រុងស្វាយរៀង និងជាព្រះគ្រូចៅអធិការវត្តគយត្របែក រួមជាមួយព្រះសង្ឃ គ្រូអាចារ្យ គណៈកម្មការវត្តទាំង ១៥ វត្ត ដើម្បីរួមចំណែការងារមនុស្សធម៌ជួយដល់ប្រជាពលរដ្ឋដែលងាយរងគ្រោះ និងរងគ្រោះដោយសារគ្រោះមហន្តរាយផ្សេងៗក្នុងមូលដ្ឋានក្រុងស្វាយរៀង ។
-អំណោយដែលបានទទួលរួមមាន៖ ៣៥០ គីឡូ មី ១៨ កេស ទឹកក្រូច និងទឹកផ្លែឈើ ២០ កេសទឹកបរិសុទ្ធ ១៣ កេស ទឹកត្រី ១៦ យួ ទឹកស៊ីអ៊ីវ ១៣ យួ សម្ភារ:ផ្សេងៗមួយចំនួនធំ និងបច្ច័យ ២,០២០,០០០ រៀល ។
