ឯកឧត្ដមទេសរដ្ឋមន្ត្រី សក់ សេដ្ឋា ប្រកាសផ្ដល់អាហារូបករណ៍ ១០០% សិក្សារយៈពេល៤ឆ្នាំ នៅសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង
ភ្នំពេញ៖ ឯកឧត្ដមទេសរដ្ឋមន្ត្រី សក់ សេដ្ឋា ប្រធានក្រុមការងាររាជរដ្ឋាភិបាល ចុះជួយមូលដ្ឋានស្រុកបវេល ខេត្តបាត់ដំបង បានប្រកាសផ្ដល់អាហារូបករណ៍ ១០០% សិក្សារយៈពេល៤ឆ្នាំ សម្រាប់ឆ្នាំសិក្សា២០២៤-២០២៥ ដល់សមណនិស្សិត សមណសិស្ស និស្សិត សិស្សានុសិស្ស ក្នុងស្រុកបវេល ។
សម្រាប់អាហារូបករណ៍ថ្នាក់បរិញ្ញាបត្រ រយៈពេល ៤ឆ្នាំនៅសាខាពុទ្ធិកសាកលវិទ្យាល័យ ព្រះសីហនុរាជ ខេត្តបាត់ដំបង គឺសិក្សាលើឯកទេស៖ ១. ភាសាបាលី, ២. ទស្សនវិជ្ជាពុទ្ធសាសនា, ៣. អក្សរសាស្រ្តខ្មែរ, ៤. រដ្ឋបាលអប់រំ, ៥. អក្សរសាស្រ្តអង់គ្លេស, ៦. គ្រប់គ្រងទូទៅ, ៧. នីតិសាស្រ្ត និង៨. សង្គមវិជ្ជា ។
ដោយឡែកសម្រាប់កាលបរិច្ឆេទនៃការយកពាក្យចូលរៀន ចាប់ពីថ្ងៃប្រគេន-ជូនដំណឹងនេះតទៅ សម្រាប់ព័ត៌មានលម្អិតសូមនិមន្ត និងអញ្ជើញមកទំនាក់ទំនងការិយាល័យថ្នាក់ឆ្នាំសិក្សាមូលដ្ឋាន ដែលមានទីតាំងក្នុងវត្តដំរីស ភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ឬ ទាក់ទងតាមលេខទូរស័ព្ទ៖ ០៩២ ៤៨ ១៨ ៥៥/០៧០ ៧២ ៩៩ ៤៤/០៧១ ៩០០ ៣៤ ៤៤ ៕
