ឯកឧត្តម ហ៊ូ ស្រ៊ី សមាជិករដ្ឋសភាកម្ពុជា ទទួលពានរង្វាន់កិត្តិយសឥស្សរជនឆ្នើមរបស់អាយប៉ា
ភ្នំពេញ៖ ឯកឧត្តម ហ៊ូ ស្រ៊ី សមាជិករដ្ឋសភាកម្ពុជា បានទទួលពានរង្វាន់កិត្តិយសឥស្សរជនឆ្នើមរបស់អាយប៉ា។ ការប្រគល់ពានរង្វាន់កិត្តិយសនេះ ធ្វើឡើងនៅក្នុងពិធីបិទមហាសន្និបាតអាយប៉ាលើកទី៤៥ ក្នុងប្រទេសឡាវ នារសៀលថ្ងៃទី២១ ខែតុលាឆ្នាំ២០២៤។
ឯកឧត្តម សាយសំភូន ភូមិវិហាន (Xaysomphone Phomvihane) ប្រធានរដ្ឋសភាឡាវ និងជាប្រធានអាយប៉ាលើកទី៤៥ បានប្រគល់ពានរង្វាន់កិត្តិយសឥស្សរជនឆ្នើមរបស់អាយប៉ា ជូន ឯកឧត្តម ហ៊ូ ស្រ៊ី និងឥស្សរជនឆ្នើមចំនួនពីររូបទៀត គឺលោកជំទាវ Kandachanaratt Leevirojana សមាជិកសភាប្រទេសថៃ និងឯកឧត្តម Penhin Dato Haji Judin Haji Asar សមាជិកសភាប្រទេសព្រុយណេដារូស្សាឡាម៕
