នគរបាលឃាត់ខ្លួនជនសង្ស័យចំនួន ៣នាក់ ជាបន្តបន្ទាប់ ពាក់ព័ន្ធករណីជួញដោយខុសច្បាប់ នូវសារធាតុញៀន នៅខណ្ឌដង្កោ

ភ្នំពេញ៖ នៅថ្ងៃទី២១ ខែតុលា ឆ្នាំ២០២៤ វេលាម៉ោង១៦:០០នាទី កម្លាំងប៉ុស្តិ៍នគរបាលរដ្ឋបាលព្រៃស នៃអធិការដ្ឋាននគរបាលខណ្ឌដង្កោ បានឃាត់ខ្លួនជនសង្ស័យចំនួន០៣នាក់ ជាបន្តបន្ទាប់ ពាក់ព័ន្ធករណីជួញដោយខុសច្បាប់ នូវសារធាតុញៀន នៅចំណុចផ្លូវបេតុង ស្ថិតនៅភូមិព្រៃស សង្កាត់ព្រៃស ខណ្ឌដង្កោ ខណៈកម្លាំងកំពុងល្បាតក្នុងមូលដ្ឋាន។

ឃាត់ខ្លួនជនសង្ស័យចំនួន០៣នាក់៖
១-ឈ្មោះម៉ា គឹមស្រេង ភេទប្រុស ជនជាតិខ្មែរ មុខរបរលក់ដូរ មានទីលំនៅភូមិបឹងឈូក សង្កាត់គីឡូតិ៍លេខ៦ ខណ្ឌឬស្សីកែវ។
២-ឈ្មោះឌឹក យិនអ៊ី ភេទប្រុស ជនជាតិខ្មែរ មុខរបរសិស្ស មានទីលំនៅភូមិធម្មត្យ័យ សង្កាត់ព្រៃស ខណ្ឌដង្កោ។
៣-ឈ្មោះសាន វណ្ណី ភេទប្រុស ជនជាតិខ្មែរ មុខរបរជាងថត មានទីលំនៅភូមិធម្មត្យ័យ សង្កាត់ព្រៃស ខណ្ឌដង្កោ។

វត្ថុតាងចាប់យក៖ ក្រាមពណ៌សថ្លា ចំនួន០៣កញ្ចប់ថង់ (ធំល្មម ចំនួន០២កញ្ចប់ថង់, តូច ចំនួន១កញ្ចប់ថង់), ទូរសព្ទ័ដៃ ម៉ាក iPhone 15 Pro Max ពណ៌ខ្មៅ, ទូរសព្ទ័ដៃ ម៉ាកiPhone 15 Pro ពណ៌ទឹកប្រាក់, ទូរសព្ទ័ដៃម៉ាកSamsung Z fold 4 ទឹកប្រាក់, រថយន្ដម៉ាកToyota Prius ណ៌ស ផ្លាកលេខ ភ្នំពេញ 2BV-2155, រថយន្ដម៉ាកToyota Prius ពណ៌ប្រផះ ផ្លាកលេខ ភ្នំពេញ2BY-4398, រថយន្ដ ម៉ាកLexus Gs300 ពណ៌ស ផ្លាកលេខ ភ្នំពេញ2BP-4641, ជញ្ចឹងអេឡិចត្រូនិច ចំនួន០១គ្រឿង, ខ្សែដៃលោហ:ធាតុពណ៌លឿងចំនួនមួយខ្សែ, ជញ្ចៀនលោហ:ធាតុពណ៌លឿង ចំនួនមួយវង់។

បច្ចុប្បន្នជនសង្ស័យ និងវត្ថុតាងខាងលើ សមត្ថកិច្ចជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕