ក្រសួងយុត្តិធម៌ ជូនដំណឹងពីការផ្លាស់ប្ដូរកន្លែងធ្វើការរបស់នាយកដ្ឋានកិច្ចការរដ្ឋបាល មកទីស្ដីការក្រសួងយុត្តិធម៌វិញ
ភ្នំពេញ៖ ក្រសួងយុត្តិធម៌ បានចេញសេចក្ដីជូនដំណឹងស្តីពីការផ្លាស់ប្ដូរកន្លែងធ្វើការរបស់នាយកដ្ឋានកិច្ចការរដ្ឋបាល នៃអគ្គលេខាធិការដ្ឋានក្រសួងយុត្តិធម៌មកទីស្ដីការក្រសួងយុត្តិធម៌វិញចាប់ពីថ្ងៃជូនដំណឹងនេះតទៅ។
តាមរយៈសេចក្តីជូនដំណឹង ក្រសួងយុត្តិធម៌ បានគូសបញ្ជាក់ថា៖ «នាយកដ្ឋានកិច្ចការរដ្ឋបាល នៃអគ្គលេខាធិការដ្ឋានក្រសួងយុត្តិធម៌ បានផ្លាស់ប្តូរទីតាំងធ្វើការពី
សណ្ឋាគារកាំបូឌីយ៉ាណា បន្ទប់លេខ១ ជាន់ផ្ទាល់ដី ទៅទីស្ដីការក្រសួងយុត្តិធម៌ ដែលមានអាសយដ្ឋានស្ថិតនៅតាមបណ្ដោយមហាវិថីសម្តេចសុធារស ខណ្ឌដូនពេញ រាជធានីភ្នំពេញ (ទល់មុខព្រះបរមរាជវាំង) ចាប់ពីថ្ងៃជូនដំណឹងនេះតទៅ»៕
