សាខាកាកបាទក្រហមកម្ពុជាខេត្តស្វាយរៀង ចែកអំណោយមនុស្សធម៌ដល់ប្រជាពលរដ្ឋរងផលប៉ះពាល់ដោយសារជំនន់ទឹកភ្លៀង ២៨គ្រួសារ ក្នុងក្រុងស្វាយរៀង
ភ្នំពេញ៖ បន្ទាប់ពីក្រុមការងាសាខាអនុសាខា ចុះពិនិត្យនិងវាយតម្លៃពីផលប៉ះពាល់របស់ប្រជាពលរដ្ឋដែលរងគ្រោះរួចមក នាព្រឹកថ្ងៃទី ២៤ ខែតុលា ឆ្នាំ២០២៤ លោកជំទាវ ដួង វណ្ណា ប្រធានកិត្តិយសសាខាកាកបាទក្រហមកម្ពុជាខេត្តស្វាយរៀង លោកជំទាវ ពៅ សុភាព ហេរញ្ញឹកគណៈកម្មាធិការសាខា និងសហការី បានអញ្ជើញសំណេះសំណាល សួរសុខទុក្ខ និងចែកអំណោយមនុស្សធម៌ ជូនដល់ប្រជាពលរដ្ឋចំនួន ២៨ គ្រួសារ ដែលរងផលប៉ះពាល់ដោយសារជំនន់ទឹកភ្លៀង នៅភូមិរោងបន្លែ ក្រុងស្វាយរៀង។
អំណោយដែលបានចែកជូនក្នុង ១ គ្រួសារទទួលបាន៖ អង្ករ ៣០ គ.ក្រ ធុងទឹកជ័រ ១ កៅស៊ូតង់ ១ មី ១ កេស កន្ទេលបត់ ១ ត្រីខ ១០ កំប៉ុង ទឹកស៊ីអ៊ីវ ៦ ដប ឃីត ១ កញ្ចប់(មុង ១ ភួយ ១ ក្រម៉ា១ សារុង ១) និងថវិកាមួយចំនួន៕
