ឯកឧត្តមទេសរដ្ឋមន្ត្រី សក់ សេដ្ឋា ដឹកនាំកិច្ចប្រជុំលើកទី២១ របស់ក្រុមការងារបច្ចេកទេសស្តីពីការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (TWG-SNDD)
ភ្នំពេញ៖ ឯកឧត្តម សក់ សេដ្ឋា ទេសរដ្ឋមន្រ្តីទទួលបន្ទុកបេសកកម្មពិសេស និងជាអនុប្រធានអចិន្ដ្រៃយ៍នៃ គ.ជ.អ.ប. នាថ្ងៃព្រហស្បតិ៍ ទី២៤ ខែតុលា ឆ្នាំ២០២៤ បានអញ្ជើញដឹកនាំកិច្ចប្រជុំលើកទី២១ របស់ក្រុមការងារបច្ចកទេសស្តីពីការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (TWG-SNDD) ។
កិច្ចប្រជុំនេះ មានការអញ្ជើញចូលរួមពីសំណាក់ឯកឧត្តម លោកជំទាវ ថ្នាក់ដឹកនាំ លេខាធិការដ្ឋាន គ.ជ.អ.ប. ថ្នាក់ដឹកនាំ និងមន្ត្រីបច្ចេកទេសក្រសួង ស្ថាប័នពាក់ព័ន្ធ ថ្នាក់ដឹកនាំ និងអង្គភាពពាក់ព័ន្ធក្រសួងមហាផ្ទៃ ដៃគូអភិឌ្ឍន៏ និងអង្គការសង្គមស៊ីវិល សរុប៦០រូប ស្រី ១៣រូប។
កិច្ចប្រជុំនេះមានរបៀបវារៈដូចជា៖
១. ការពិនិត្យ និងពិភាក្សារវាងរាជរដ្ឋាភិបាលកម្ពុជា និងដៃគូអភិវឌ្ឍន៍ ព្រមទាំងអង្គការសង្គមស៊ីវិលពាក់នានាលើវឌ្ឍនភាពនៃការអនុវត្តផែនការសកម្មភាព និងថវិការបស់ គ.ជ.អ.ប. ក្នុងឆមាសទី១ ឆ្នាំ២០២៤
២.ការពិនិត្យ និងអនុម័តលើលក្ខខណ្ឌការងាររបស់ក្រុមការងារបច្ចេកទេស TWG -SNDD
៣. ការពិនិត្យ និងអនុម័តលើសូចនាករត្រួតពិនិត្យរួមឆ្នាំ២០២៥-២០២៦
៤.ផ្សេងៗ