ទំនាស់ដីធ្លីរ៉ាំរ៉ៃមួយករណី នៅខេត្តព្រះវិហារ ត្រូវបា ន សម្រុះសម្រួល ដោះស្រាយ បញ្ចប់ដោយ អ.ដ.ក.
ភ្នំពេញ៖ ទំនាស់លើដីស្រែ ដែលបានអូសបន្លាយ ១៦ឆ្នាំ បានបិទបញ្ចប់ បន្ទាប់ពី មន្រ្តីសម្រុះសម្រួលដោះស្រាយវិវាទនៃ អ.ដ.ក. បានចុះដោះស្រាយដោយផ្ទាល់នៅឃុំស្រយង់ ស្រុកគូលែន ខេត្តព្រះវិហារ។
លោកស្រី ស៊ីន ហុងសាយ ភាគីដាក់ពាក្យស្នើសុំមក អ.ដ.ក. ចាត់ទុកថា នេះ គឺជាយុត្តិធម៌ដែលលោកស្រីខំទន្ទឹងរង់ចាំអស់រយៈពេល១៦ឆ្នាំ។
ក្នុង ពេលជាមួយគ្នា មេឃុំស្រយង់ លោក ស្រី គឿម បង្ហាញការពេញចិត្តដែលមន្ត្រី អ.ដ.ក.ចុះដោះស្រាយវិវាទនៅមូលដ្ឋានរបស់លោកដោយផ្ទាល់បែបនេះ និងក៏បានបង្ហាញអារម្មណ៍ធូរស្បើយក្នុងចិត្តក្រោយប្រជាពលរដ្ឋរបស់លោក ទទួលបានដំណោះស្រាយឈ្នះ-ឈ្នះ ទាំងសងខាង៕